Mainistir na Croise Naofa

Mar cheann scríbe d’oilithrigh, tá stair shaibhir ag baint le Mainistir na Croise Naofa, in aice le Durlas, Contae Thiobraid Árann. Bhí oilithrigh ag teacht anseo ar feadh ocht gcéad bliain chun an taise óna bhfuair an mhainistir agus na sráidbhailte máguaird a n-ainm – is é sin píosa den chros chéanna ar céasadh Críost uirthi.

Sa lá atá inniu ann, is sainchomhartha síochánta chun machnamh chiúin a dhéanamh agus chun eolas a chur ar an stair atá sa mhainistir seo, atá in úsáid go fóill mar shéipéal paróiste. Chomh maith le taise na croise a iniúchadh, féadfaidh tú taitneamh a bhaint as obair ornáideach chloiche an fhoirgnimh. Seans go bhfuil an saingeal ar cheann de na samplaí is breátha sa tír d’ailtireacht an chúigiú haois déag. Ina theannta sin, tá ceann de na saothair mhúrealaíne a tháinig slán ó na meánaoiseanna in Éirinn sa mhainistir.