Caisleán Bhaile Átha an Rí

Téagar ollmhór ag cosaint áth straitéiseach ar Abhainn an Chláirín is ea Caisleán Bhaile Átha an Rí. Tá an halladhaingean maorga trí stór fós ann ó lár an tríú haois déag. Féachann sé go daingean mórthaibhseach ón taobh amuigh, cé gur tógadh an taobh istigh ar bhealach simplí, gan ann ach halla ar an gcéad urlár agus seomraí stórais dorcha in íochtar.

Cé go bhfuil sé leagtha amach go simplí, léiríonn snoíodóireacht bhreá iomrá an halla. Tá an doras agus péire de na fuinneoga maisithe le móitífeanna bláthacha i stíl iontach áitiúil Scoil an Iarthair. Is iad na forbhallaí bunaidh atá ann. Ba thrí phoill lámhaigh arda na bhforbhallaí sin a rinneadh an caisleán a chosaint ó ionsaitheoirí eágsúla thar na céadta blianta.

Tagann cuairteoirí chuig Caisleán Bhaile Átha an Rí chun blaiseadh a fháil d’atmaisféar údarach na cumhachta meánaoisí sin atá fós le brath sa daingean mórchumhachtach.