Gairdíní Heywood

Mar chuid den tírdhreach mealltach ón ochtú haois déag ag Gairdíní Heywood, gar do Bhaile na Coille, Contae Laoise, tá gairdíní, lochanna, coillearnach agus roinnt gnéithe ailtireachta iontacha. Tá an pháirc suite ar thaobh cnoic. Tá seacht gcontae le feiceáil sa radharc tíre thoir theas.

Ba é an t-ailtire Sir Edwin Lutyens a dhear na gairdíní foirmeálta, atá mar chroílár na réadmhaoine. Is dóchúil gurb í an dearthóir aitheanta, Gertrude Jekyll, a rinne tírdhreachú orthu.

Tá na gairdíní comhdhéanta de ghnéithe atá nasctha ag lochtán a bhí feadh aghaidh an tí i dtús báire. (Ar an drochuair, níl an teach ina sheasamh a thuilleadh.) Ceann de na gnéithe is neamhghnáiche ar an suíomh is ea gairdín íslithe ina bhfuil lochán fadaithe, agus fuarán mór ina lár.

Cuirtear tús leis an gcuairt ar Heywood in aice leis an Teach Geata. Treoróidh painéil eolais agus comharthaí thú timpeall ghairdíní draíochtúla Lutyens agus an tírdhreach rómánsúil máguaird.