Ionad Cuairteoirí Theach an Chustaim

Tá an t-íocón ailtireachta seo suite ar chéanna na Life, a bhí mar mhórbhealach trádála na hÉireann leis an domhan mór lá den saol. Chríochnaigh an t-ailtire James Gandon an foirgneamh, mórshaothar de chuid an nuachlasaiceachais Eorpaigh, in 1791. Bain lán na súl as na mionghnéithe ornáideacha a bhaineann leis an gceardaíocht álainn atá i snoiteáin chloiche Edward Smyth ar an taobh amuigh agus as na heochracha snoite cáiliúla a léiríonn cloigne uafásacha dhéithe na habhann. Tá ceithre cinn déag díobh sin ann  – ceann do gach mórabhainn in Éirinn.

Bhí Teach an Chustaim ansin ní hamháin nuair a bhí cathair iontach á forbairt ach freisin nuair a tharla cuid de na heachtraí ab achrannaí i stair na cathrach sin. Scriosadh an foirgneamh i ndóiteán in 1921 agus athchóiríodh arís é sa chruth álainn ina raibh sé roimhe sin.

Tá na scéalta a bhaineann le tógáil, dó agus athchóiriú Theach an Chustaim i mBaile Átha Cliath tugtha chun solas anois i dtaispeántas nua atá thar a bheith spéisiúil. Inseoidh sé scéal saibhir, a mbaineann mórán gnéithe leis, agus a chuimsíonn breis agus 200 bliain.