Teachin Uí Dhuibhir – Mhic Alastair

Tá an teachín ceann tuí aoldaite seo suite go cluthar faoi scáth Shliabh Chéidín taobh leis an mbóthar ó Dhún Ard go Ráth Daingin i gContae Chill Mhantáin.

Sa lá atá inniu ann, is suíomh neamhghnách é i gcomhar troda. Mar sin féin, i ngeimhreadh na bliana 1799 níorbh amhlaidh a bhí an scéal. Is ón teachín seo a throid an reibiliúnach cáiliúil, Mícheál Ó Duibhir na Briotanaigh a raibh sé timpeallaithe acu. Tharraing Samuel Mac Alastair, duine de chomrádaithe Uí Dhuibhir, aghaidh na ngunnaí air féin agus maraíodh é. Thug sé sin deis do Ó Duibhir éalú thar na sléibhte a bhí faoi bhrat sneachta.

Scrios tine an teachín ina dhiaidh sin agus bhí sé ina fhothrach ar feadh beagnach 150 bliain. Rinneadh athchóiriú air san fhichiú haois agus cuireadh ar ais mar a bhí sé. Anois, tá earraí éagsúla ón tréimhse sin ann, – idir earraí a bhain leis an ngnáthshaol laethúil, amhail bior rósta agus cuinneog, agus iad siúd nár tugadh amach ach i lár troda, amhail pící marfacha.