Eaglais agus Ionad Cuairteoirí San Audeon

Neadaithe i gcroílár chathair mheánaoiseach dhaingnithe Bhaile Átha Cliath, is í Eaglais San Audoen an t-aon eaglais pharóiste ó ré na meánaoise atá fós sa phríomhchathair. Tá sí tiomnaithe d’easpag Rouen ón seachtú haois agus éarlamh na Normainne.

Bhí ról ríthábhachtach ag Eaglais San Audoen i saol na cathrach meánaoisí. Ba ann a fógraíodh bullaí de chuid an Phápa agus a tugadh faoi bhreithiúnais aithrí phoiblí. Tá taispeántas in Eaglais Chumainn Naomh Anna – taispeántas a bhfuil gradaim buaite aige – ar thábhacht Eaglais Naomh Audoen do Bhaile Átha Cliath na meánaoise.

Is féidir le cuairteoirí chuig Eaglais Naomh Audoen féachaint ar an gcuid den eaglais atá fós in úsáid ag Eaglais na hÉireann. Féadfaidh siad freisin breathnú ar an tuama iontach ón gcúigiú haois déag atá tiomnaithe do Baron Portlester agus a bhean chéile.