Ár Luachanna
Tá Seirbhísí Oidhreachta an OOP tiomanta do chúram a dhéanamh d’oidhreacht an náisiúin, í a chosaint agus a fheabhsú. Creidimid gur cheart dul i gcaidreamh le cuairteoirí as Éirinn agus ó thíortha thar lear chun a dtuiscint ar an eastát oidhreachta agus ar na cnuasaigh ealaíne agus ar na déantúsáin atá ann a fheabhsú.
Is é ár bpríomhaidhm seirbhís den scoth agus luach maith ar airgead a sholáthar do gach duine a thugann cuairt ar na láithreacha faoinár gcúram.
Tá cur chuige inbhuanaithe againn maidir le bainistiú agus caomhnú na láithreacha sin. Agus sin á dhéanamh, déanaimid iarracht na caighdeáin is airde a choimeád agus cuirimid dea-chleachtas gairmiúil i bhfeidhm i gcónaí.
Bímid réamhghníomhach i mbun caidrimh le comhpháirtithe, taobh istigh den OOP agus taobh amuigh araon, chun cuidiú linn an t-eastát oidhreachta a bhainistiú. Aithnímid, freisin, an luach a bhaineann le caidreamh le comhpháirtithe oidhreachta idirnáisiúnta, agus tomhaisimid ár n-aidhmeanna agus ár ngníomhaíochtaí i leith na n-eiseamláirí is fearr atá ar fáil, agus bíonn teacht againn ar thaighde ardchaighdeáin chun torthaí maithe a chinntiú d’oidhreacht na hÉireann.
Táimid tiomanta do thuiscint ar na hidéil a léirítear inár n-oidhreacht chultúrtha roinnte a chur chun cinn. De thoradh air sin, creidimid go mbeidh tuiscint níos fearr ag an ngnáthphobal ar thábhacht ár n-oidhreachta agus fonn ar an bpobal páirt a ghlacadh i gcosaint ár n-oidhreachta do na glúnta atá le teacht.
