Láithreán Mainistreach na Seanmhainistreach Móire

Ba í an Mhainistir Mhór an chéad mhainistir a bhunaigh na Cistéirsigh in Éirinn. Chruthaigh Naomh Maolmhaodhóg as Ard Mhacha in 1142 í, le cúnamh ó líon beag manach a sheol Naomh Bernard chuige ó Clairvaux. Ní raibh na manaigh róthógtha le hÉirinn agus níorbh fhada gur fhill siad ar an bhFrainc, ach cuireadh an mhainistir i gcrích agus coisriceadh í le mustar mór.

Tá roinnt gnéithe iontacha ailtireachta inti, ina measc tá an ceann is suntasaí, lavabo ochtagánach dhá stór.

D’óstáil na manaigh ag an Mainistir Mhór sionad fíorthábhachtach in 1152. Bhí an mhainistir ag croílár stair na n-aoiseanna ina dhiaidh sin freisin, cé go raibh sí faoi úinéireacht phríobháideach faoin am sin. Síníodh Conradh na Mainistreach Móire, a chuir deireadh le Cogadh na Naoi mBliana, anseo in 1603, agus bhain Liam Oráiste úsáid as an mainistir mar cheanncheathrú le linn Chath na Bóinne.