Músaem na bPiarsach agus Páirc Naomh Éanna

Ba in Músaem na bPiarsach agus Páirc Naomh Éanna a bhí cónaí ar cheannaire Éirí Amach 1916, Pádraig Mac Piarais, agus ba ann a bhí a scoil Ghaeilge cheannródaíoch ó 1910 go dtí 1916.

Suite i nach mór 20 heicteár d’fhearann páirce i Ráth Fearnáin, Baile Átha Cliath, léirítear san iarsmalann scéal Phádraig Mhic Phiarais agus a dheartháir, Liam, ar cuireadh an bheirt acu chun báis mar thoradh ar an bpáirt a ghlac siad in Éirí Amach 1916. Féadfaidh tú breathnú ar thaispeántas iontach de shaol an Phiarsaigh agus siúl trí na seomraí stairiúla, áit a mbíodh sé féin, a theaghlach agus a scoláirí ina gcónaí agus i mbun oibre.

Sa tírdhreach rómánsúil timpeall na hiarsmalainne tá gleann abhann fiáin, limistéir foraoise agus roinnt baoiseanna áille ón ochtú haois déag agus ón naoú haois déag.

Má tá suim agat i bhfiadhúlra éagsúil na páirce, gheobhaidh tú faisnéis bhreise faoi i seomra tiomnaithe sa chlós – áit a n-aimseoidh tú Caifé an tSeomra Scoile chomh maith.