Buaicphointí Caisleán Fhearna (5)
Radharc ón Díon
Téigh go barr an t-aon túr atá fós ag Chaisleán Fhearna, daingean míleata mórthaibhseach a thóg William, Iarla Marshall, ar a tugadh an ridire b’iontaí a bhí ann riamh air.
Cúiteofar iad siúd atá sách cróga dul suas ar an díon, in éineacht lenár dtreoraithe, le radhairc iontacha ar Fhearna stairiúil agus an tuath máguaird. Ón bpointe seo, is éasca a fheiceáil go raibh forlámhas ag an chaisleán ar an ceantar. Tá losán bunaidh nó leithreas meánaoiseach le fáil ar an díon freisin, rangaithe mar ‘titim fhada’.
Fiosraigh Daingean Maorga
Daingean crua a bhí i gCaisleán Fhearna ina ré, agus tá go leor dá ghnéithe cosanta fós le feiceáil sa lá atá inniu ann. Féach ar an gclais cloiche agus an droichead tógála, mar shampla, nó an iliomad fuinneog a bhfuil scoilt saighead nó tras-lúibe orthu. Agus seachain tú féin laistigh den túr! Dearadh an staighre bíseach fealltach chun ionsaitheoirí a thuisliú agus bac a chur orthu teacht suas go dtí na hurláir uachtaracha.
Spás Naofa
Ní mór duit an séipéal ciorclach ar an dara hurlár den túr thoir theas a fheiceáil. Tá boghtaí easnacha múnlaithe timpeall ar an tsíleáil álainn mar aon le bailchríocha maisiúla. Tá na sé chinn shnoite agus an dá almóir bheaga le haghaidh na soithí beannaithe a stóráil greanta as cloch álainn Dundry as Bristol.
Déantán Urghnách
Bain lán do shúl as taipéis Fhearna, atá ar taispeáint san ionad cuairteoirí, ina bhfuil 25 painéal ildaite de bhróidnéireacht chriúil. Léiríonn na painéil stair an bhaile ó theacht Naomh Aodán sa bhliain 598 go dtí teacht na Normannach i 1169. Tionscnamh pobail áitiúil ba ea an t-éacht uathúil seo agus thóg sé breis agus cúig bliana é a chur i gcrích.
Baile Stairiúil
Ní gá duit dul i bhfad ó Chaisleán Fhearna chun séadchomharthaí stairiúla suimiúla eile a fheiceáil. Gan ach siúlóid ghearr uaidh tá Teampall Mhuire, mainistir Agaistíneach ón dara haois déag. Tá iarsmaí ardeaglais ón tríú haois déag suite anseo freisin, chomh maith le Teampall Peadar, séipéal beag meánlainne agus saingil. I dtailte na hardeaglaise, is féidir leat fiú roinnt ardchrosa agus blúirí de chrosa a fheiceáil.
