Cad a dhéanaimid

Is é an príomhchúram atá againn ná na foirgnimh stairiúla agus an oidhreacht is tábhachtaí in Éirinn a bhainistiú agus a chaomhnú. Tugaimid an-aire do na 780 láithreán oidhreachta atá faoinár gcúram. Anuas air sin, ag na 70 láithreán ina bhfuil seirbhísí do chuairteoirí ar fáil, oibrímid go dian chun iad a chur i láthair ar na caighdeáin is airde, ag cinntiú go dtugaimid an t-eispéireas is fearr is féidir linn do chuairteoirí ó Éirinn agus ó thíortha eile.

Ar mhaith leat oibriú chun ár láithreáin oidhreachta a chur chun cinn agus a chur i láthair don phobal? Tá Seirbhísí Cuairteoirí Oifig na nOibreacha Poiblí ag lorg daoine díograiseacha faoi láthair chun bheith mar chuid dá bhFoireann Treoraithe tiomnaithe.

Teistiméireachtaí

Is aghaidh phoiblí an OPW iad ár dTreoraithe, a chuireann suíomhanna oidhreachta is tábhachtaí na hÉireann os comhair an phobail. Tá ról ríthábhachtach ag an tSeirbhís Treorach maidir le caomhnú agus cur i láthair rogha suíomhanna, chomh maith le sábháilteacht agus sásamh na gcuairteoirí a chinntiú.
Tugann Treoraithe Oidhreachta taithí uathúil nach ndéanfá dearmad uirthi do chuairteoirí ó gach cearn den domhan. Is post é a mbainfeá sásamh agus sult as má thaitníonn sé leat do chuid saineolais agus díograise a roinnt le daoine eile.

Teistiméireachtaí Treoraithe

Teistiméireachtaí Treoraithe

Eolas Fúinn Gairdín Náisiúnta Lus na hÉireann - Glas Naíon

Tá cáil ar Gharraithe Náisiúnta na Lus i nGlas Naíon, trí chiliméadar amach ó lár chathair Bhaile Átha Cliath, as na bailiúcháin fhíoráille phlandaí atá ann. Tá breis agus 16,000 speiceas plandaí agus saothróg ann ó ghnáthóga éagsúla ó áiteanna ar fud an domhain.
Is í an tseoid is luachmhaire sna Garraithe ná foireann de thithe gloine stairiúla atá athchóirithe go galánta agus plandaí curtha iontu. Ar na cinn is suntasaí díobh sin tá Raon Cuarlíneach Richard Turner agus Teach na Pailme Móire. Bronnadh gradam ar an dá theach as sárchaighdeán a bhaint amach san ailtireacht chaomhnaithe.
Tá ról tábhachtach ag an gcaomhnú i saol na ngarraithe agus tá breis agus 300 speiceas plandaí atá i mbaol i nGlas Naíon, 6 cinn díobh atá díofa san fhiadhúlra cheana féin.
Tá dlúthnasc ag na garraithe lena gcomhghairdín i gCill Mochura, Contae Chill Mhantáin, ó 1854. Tá siad éagsúil ón mbrainse i gCill Mhantáin, áfach, mar tugann siad spás glas suaimhneach álainn i lár phríomhchathair an náisiúin.

An Post

Áirithe i Ról na Treoraithe Séasúracha/ Oifigigh Eolas beidh:

• Caomhnú an Láithreáin
• Cinntiú go gcloífear le pé rialacha atá ann do chuairteoirí.

• Bheith freagrach as slándáil agus sábháilteacht ag an láithreáin.

• Fáiltiú Roimh Chuairteoirí & na dualgais a bhaineann leis

• Fáilte a chur roimh cuairteoirí chuig an láithreán

• Cuntas ar an an láithreán agus na háiseanna a thabhairt do chuairteoirí

• Riarachán ticéid agus admhálacha

• Litríocht, cártaí poist agus póstaeir a dhíol

• Airgead a chomhaireamh agus na fáltais a réiteach

• Stoc a chomhaireamh

• An oifig fáiltithe agus áiseanna eile an láithreáin a choinneáil glan agus slachtmhar

• Gléas closamhairc nó fearas cuí eile a oibriú

• Déileáil le fiosrúcháin faoin gceantar agus na háiseanna do chuairteoirí ann

• Déileáil le fiosrúcháin fón

• Déileáil le háirithintí don láithreán

• Cur chun cinn agus léirmhíniú an Láithreáin

• Cur amach ar gach gné gach gné de thábhacht agus cúlra an láithreáin

• Do thráchtaireacht turais féin a fhorbairt i gcomhairle leis an stiúrthóir agus na treoraithe eile

• Turais treoraithe a stiúradh

• Turas treoraithe a chur in oiriúint do ghrúpaí ar leith

• Bainistíocht Imeachtaí

• Déileáil le mionfhiosrúcháin faoi ghnéithe ar leith den láithreán

• Dualgais lasmuigh lena n-áirítear Maoirseacht Páirce ach gan a bheith teoranta dóibh

• Dualgais feitheoir

Ina theannta sin, beidh ar an sealbhóir poist aon dualgas atá in oiriúint don phost, a thugtar dó/di ó am go chéile, a chomhlíonadh agus páirt a ghlacadh i bhforbairt an post an fhad agus atá sé/sí i seilbh oifige.

RIACHTANAIS

Ní mór d’iarratasóirí na nithe seo leanas a bheith acu:

• Feasacht ar an Oidhreacht agus tuiscint agus spéis sa Stair

• Tuiscint ar réasúnaíocht stairiúil agus modheolaíocht taighde

• Cumas dul i dteagmháil le agus cláir a dhéanamh do lucht féachana éagsúil, daoine aonair agus pobail, ar an láthair agus ar line.

• Ní mór d’iarrthóirí a bheith 18 mbliana d’aois ar a laghad ar 1 Eanáir 2024. Tá scor éigeantach nuair a shroicheann siad 70 bliain d’aois. Ní mór d’iarrthóirí teastas breithe bunaidh nó Pas a sholáthar chun críocha fíoraithe aoise mar chuid den phróiseas réamhfhostaíochta. Ní dhéanfar aon cheapachán chuig an bpost do na hiarrthóirí sin nach gcomhlíonann na critéir aoise

• Tá eolas ar chaomhnú an dúlra/ oidhreacht/ nádúrtha/gnáthóga & speiceas inmhianaithe.

Taithí oibre iomchuí

• An cumas oibriú mar chuid d’fhoireann agus idirghníomhú le comhghleacaithe, bainisteoirí agus leis an bpobal ar bhealach tuisceanach, cúirtéiseach agus gairmiúil.
• An cumas cur le spiorad maith foirne agus é a chothabháil

• Toilteanas glacadh le treoir

• Scileanna idirphearsanta agus cumarsáide den scoth lena n-áirítear muinín agus cumas cuir i láthair a dhéanamh do ghrúpaí

• Dea-bhreithiúnacht agus scileanna cinnteoireachta go háirithe i gcásanna éigeandála

• Suim i leith soiléireacht agus caighdeán oibre

• Taithí ar chóras agus nósanna imeachta TFC

• Feasacht iomlán ar nósanna imeachta sláinte agus sábháilteachta. Ní mór an Obair ar fad a chur i gcrích ar bhealach éifeachtach agus sábháilte, de réir threoracha an mhaoirseora/bainisteora, maidir leat féin, lena chomhghleacaithe agus leis an bpobal trí riachtanais Sláinte agus Sábháilteachta a thuiscint, a urramú agus a chur i bhfeidhm

• Feasacht ar ghá an láithreán a chaomhnú

• Tiomantas do Sheirbhísí do Chustaiméirí ar Ardchaighdeán

Is dócha go mbeidh agallaimh ar siúl go pearsanta i rith mhí na Samhna.

Beidh fad na gconarthaí éagsúil óna chéile ach mairfidh siad idir 3 agus 9 mí.

Ceisteanna Coitianta

Cén fáth nach bhfógraítear an láithreán ar mian liom iarratas a dhéanamh air? Taispeáin an chuid seo

De réir mar a thagann poist ar fáil, fógróimid iad, táimid ag súil lenár gcéad bhaisc eile suíomhanna a fhógairt i mí Eanáir.

Níl mé sa tír faoi láthair, an féidir liom iarratas a dhéanamh fós? Taispeáin an chuid seo

Is féidir. Mura bhfuil tú sa tír ag am an agallaimh, is féidir linn agallamh ar líne a éascú duit má éiríonn le d’iarratas.

Cathain ba cheart dom a bheith ag súil le cloisteáil uaibh maidir le cibé ar cuireadh m’iarratas ar aghaidh chuig céim an agallaimh nó nár cuireadh? Taispeáin an chuid seo

Déanfar teagmháil le gach iarrthóir trí ríomhphost laistigh de mhí amháin ón dáta deiridh agus tabharfar cuireadh duit chun agallaimh nó gheobhaidh tú litir chun a rá nár cuireadh d’iarratas ar an ngearrliosta le haghaidh agallaimh an uair seo.

Cé leis ar féidir liom teagmháil a dhéanamh má tá ceist eile agam? Taispeáin an chuid seo

Le haghaidh ceisteanna a bhaineann le haon chéim den phróiseas comórtais agus roghnúcháin, déan teagmháil le guiderecruitment@opw.ie

An féidir liom iarratas a dhéanamh ar níos mó ná láithreán amháin? Taispeáin an chuid seo

Níor chóir duit níos mó ná foirm iarratais amháin a chur isteach.

Iarrfar ort dhá láithreán a roghnú ar d’fhoirm iarratais. Déanfar iarrthóirí a mheas le haghaidh agallaimh dá gcéad rogha.

Ní bhreithneofar dara rogha iarrthóirí ach amháin i gcásanna nach féidir poist a líonadh.

Mar sin féin, ní chuirfear iarrthóir nár éirigh leo ag céim an agallaimh san áireamh don dara rogha láithreáin dá gcuid.

Má chuirim isteach ar phost sa chéad chomórtas, an féidir liom iarratas eile a dhéanamh ar phost nuair a fhógrófar tuilleadh comórtas? Taispeáin an chuid seo

Is féidir, caitear le gach comórtas ar leithligh, áfach. Má éiríonn le hiarrthóir i gcomórtas amháin agus má thairgtear post dóibh, ní féidir aon tairiscint eile a dhéanamh.