Cad a dhéanaimid

Is é an príomhchúram atá againn ná na foirgnimh stairiúla agus an oidhreacht is tábhachtaí in Éirinn a bhainistiú agus a chaomhnú. Tugaimid an-aire do na 780 láithreán oidhreachta atá faoinár gcúram. Anuas air sin, ag na 70 láithreán ina bhfuil seirbhísí do chuairteoirí ar fáil, oibrímid go dian chun iad a chur i láthair ar na caighdeáin is airde, ag cinntiú go dtugaimid an t-eispéireas is fearr is féidir linn do chuairteoirí ó Éirinn agus ó thíortha eile.

Ar mhaith leat oibriú chun ár láithreáin oidhreachta a chur chun cinn agus a chur i láthair don phobal? Tá Seirbhísí Cuairteoirí Oifig na nOibreacha Poiblí ag lorg daoine díograiseacha faoi láthair chun bheith mar chuid dá bhFoireann Treoraithe tiomnaithe.

Eolas Fúinn

Tá Sceilg Mhichíl iontach ar cheann de dhá Láithreán Oidhreachta Domhanda de chuid UNESCO i bPoblacht na hÉireann.
Tá mainistir Naomh Fionán, ceann de na lonnaíochtaí is sine sa tír, suite ar mhullach na carraige maorga seo amach ó chósta Chiarraí. Ba i mbotháin chloiche a raibh cruth coirceoige orthu, a chodail agus a ghuigh na manaigh agus tá mórán de na botháin sin ina seasamh fós sa lá atá inniu ann.
D’fhág na manaigh an t-oileán sa tríú haois déag. Rinneadh ionad oilithreachta de agus in aimsir na bPéindlíthe, bhí sé ina thearmann ag Caitlicigh.
Má leanann tú cosán na manach, beidh ort 618 céim mhíchothrom a dhreapadh, Tá dua ag baint le dul chuig an mbarr, ach is fiú go mór é.
Chomh maith leis an saibhreas staire, tá flúirse mhór de bheathra éan ar an oileán agus thart timpeall air. Is ar an Sceilg Bheag atá an choilíneacht gainéad is mó ar domhan.

Eolas Ginearálta agus Láthair na hOibre

Tá freagracht ar Oifig na nOibreacha Poiblí as Séadchomhartha Náisiúnta Sceilg Mhichíl a oibriú agus a chothabháil. Tá Sceilg Mhichíl ina Réadmhaoin Oidhreachta Domhanda de chuid UNESCO agus ina Limistéar faoi Chosaint Speisialta (SPA). Tá seanstair mhainistreach agus radhairc iontacha fite fuaite ina chéile ar an suíomh álainn ar leith seo. Tá bail mhaith ar Sceilg Mhichíl i rith an ama. Tá sí suite amach ó chósta Chiarraí. Láthair mhainistreach oileáin ó thús na meánaoise is ea í. Tá tábhacht idirnáisiúnta ag baint léi agus tagann timpeall 15,000 cuairteoir chuici gach bliain. Chomh maith leis sin, tá dhá theach solais agus mórán coilíneachtaí éan mara cosanta ar an oileán.

Cuireann Oifig na nOibreacha Poiblí (OPW) Seirbhís Treoraithe ar fáil ar Sceilg Mhichíl ar feadh ceithre mhí go leith nó mar sin, ó lár mhí Aibreáin go deireadh mhí Mheán Fómhair / tús mhí Dheireadh Fómhair de ghnáth. Cónaíonn meitheal bheag de Threoraithe OPW ar an oileán go lánaimseartha i gcaitheamh a n-uainchláir le linn na míonna sin d’fhonn dul i mbun dualgais áirithe a bhaineann le cosaint an tsuímh agus léirmhíniú do chuairteoirí. Tá an t-oileán tuairim is uair an chloig amach ó chósta Chontae Chiarraí (an Caladh). Maidir leis an uainchlár atá ann faoi láthair, fantar ar an oileán ar feadh coicíse agus bíonn sos ansin ar feadh seachtaine. Beifear ag súil leis go nglacfaidh na hiarrthóirí a n-éireoidh leo leis an uainchlár sin agus go n-oibreoidh siad go lánaimseartha mar chuid d’fhoireann atá an-dlúth le chéile.

An Post

Seo a leanas, i measc nithe eile, dualgais an Treoraí Shéasúraigh ar Sceilg Mhichíl:

• Cosaint an tsuímh;
• Fáilte a chur roimh chuairteoirí agus iad a chur ar an eolas faoin suíomh agus faoi na háiseanna;
• Maoirseacht a dhéanamh ar chuairteoirí d’fhonn an suíomh a chothabháil agus d’fhonn cinnte a dhéanamh de nach ndéantar dochar dó;
• Cinnte a dhéanamh de go gcloítear leis an uile riail agus an uile threoir shonrach um shláinte agus sábháilteacht do chuairteoirí;
• A bheith i láthair ag áiteanna ar leith ar an suíomh i rith an lae chun eolas, cabhair agus comhairle a thabhairt do chuairteoirí;
• Monatóireacht agus rialú a dhéanamh ar líon na gcuairteoirí maidir le limistéir ar leith ar an suíomh;
• Cinnte a dhéanamh de, a mhéid is féidir, nach ndéantar dochar ar bith don suíomh;
• Eolas a chur ar an uile ghné de thábhacht agus de scéal an tsuímh;
• Forbairt a dhéanamh ar do thráchtaireacht turais féin i gcomhar le Treoir na Maoirseoirí agus treoracha eile;
• Turais threoraithe a thabhairt;
• Turais threoraithe a thabhairt i nGaeilge nó i dteangacha eile, más infheidhme;
• Plé le fiosrúcháin i dtaca le gnéithe áirithe agus gnéithe uathúla den suíomh;
• Cúnamh a thabhairt nuair a bhíonn imeachtaí á reáchtáil ar an suíomh;
• Cúnamh a thabhairt nuair a bhíonn gníomhaíochtaí ceadaithe fearacht scannánaíocht nó grianghrafadóireacht ar an suíomh á n-éascú ó am go chéile;
• Oibriú mar chuid d’fhoireann agus caidreamh éifeachtach a dhéanamh le comhghleacaithe, leis an lucht bainistíochta agus leis an bpobal ar bhealach measúil gairmiúil. Ba cheart go mbeadh a fhios ag na hiarrthóirí a n-éireoidh leo go mbeidh cónaí orthu i gcóngar a gcuid comhghleacaithe le linn na coicíse oibre;
• An uile Oiliúint Sláinte agus Sábháilteachta a dhéanamh roimh thús an tséasúir, agus an uile oiliúint a dhéanamh i gcaitheamh an tséasúir, de réir mar is gá;
• Solúbthacht a thaispeáint agus dul i mbun dualgais eile a mheasann an maoirseoir a bheith cuí.

Riachtanais

Ní mór d’iarratasóirí na nithe seo leanas a bheith acu:

• Tá líofacht i mBéarla riachtanach

• Feasacht ar an Oidhreacht agus tuiscint agus spéis sa Stair

• Tuiscint ar réasúnaíocht stairiúil agus modheolaíocht taighde

• Cumas dul i dteagmháil le agus cláir a dhéanamh do lucht féachana éagsúil, daoine aonair agus pobail, ar an láthair agus ar line.

• Ní mór d’iarrthóirí a bheith 18 mbliana d’aois ar a laghad ar 1 Eanáir 2024. Tá scor éigeantach nuair a shroicheann siad 70 bliain d’aois. Ní mór d’iarrthóirí teastas breithe bunaidh nó Pas a sholáthar chun críocha fíoraithe aoise mar chuid den phróiseas réamhfhostaíochta. Ní dhéanfar aon cheapachán chuig an bpost do na hiarrthóirí sin nach gcomhlíonann na critéir aoise

Taithí oibre iomchuí

• Toisc go bhfuil an suíomh chomh hiargúlta sin agus go bhfuil an tír-raon sách dúshlánach, caithfidh tú a chinntiú go bhfuil tú sláintiúil/aclaí go leor le go mbeidh tú in ann do chuid dualgas a chomhlíonadh go héifeachtach ar an suíomh.

• Ba mhaith an rud é dá mbeadh cáilíocht sa tSléibhteoireacht agat agus/nó dá mba Cheannaire Sléibhe thú, ach níl a leithéidí riachtanach.

• Beidh cónaí ar Threoraithe i lóistín OPW (botháin réamhdhéanta san am i láthair) ar an oileán le linn an tséasúir. Mar sin de, is den riachtanas go mbeifí ábalta oibriú mar chuid de mheitheal agus caidreamh a dhéanamh le comhghleacaithe, leis an lucht bainistíochta agus leis an bpobal ar bhealach cáiréiseach béasach gairmiúil. A bheith in ann cur leis an meanma foirne agus í a choinneáil.

• Toilteanas glacadh le treoir

• Scileanna idirphearsanta agus cumarsáide den scoth lena n-áirítear muinín agus cumas cuir i láthair a dhéanamh do ghrúpaí

• Dea-bhreithiúnacht agus scileanna cinnteoireachta go háirithe i gcásanna éigeandála

• Suim i leith soiléireacht agus caighdeán oibre

• Feasacht iomlán ar nósanna imeachta sláinte agus sábháilteachta. Ní mór an Obair ar fad a chur i gcrích ar bhealach éifeachtach agus sábháilte, de réir threoracha an mhaoirseora/bainisteora, maidir leat féin, lena chomhghleacaithe agus leis an bpobal trí riachtanais Sláinte agus Sábháilteachta a thuiscint, a urramú agus a chur i bhfeidhm

• Feasacht ar ghá an láithreán a chaomhnú

• Tiomantas do Sheirbhísí do Chustaiméirí ar Ardchaighdeán

Is dócha go mbeidh agallaimh ar siúl go pearsanta i rith mhí na Eanáir.

Beidh fad na gconarthaí éagsúil óna chéile ach mairfidh siad idir 3 agus 9 mí.

Ceisteanna Coitianta

Níl mé sa tír faoi láthair, an féidir liom iarratas a dhéanamh fós? Taispeáin an chuid seo

Is féidir. Mura bhfuil tú sa tír ag am an agallaimh, is féidir linn agallamh ar líne a éascú duit má éiríonn le d’iarratas.

Cathain ba cheart dom a bheith ag súil le cloisteáil uaibh maidir le cibé ar cuireadh m’iarratas ar aghaidh chuig céim an agallaimh nó nár cuireadh? Taispeáin an chuid seo

Déanfar teagmháil le gach iarrthóir trí ríomhphost laistigh de mhí amháin ón dáta deiridh agus tabharfar cuireadh duit chun agallaimh nó gheobhaidh tú litir chun a rá nár cuireadh d’iarratas ar an ngearrliosta le haghaidh agallaimh an uair seo.

Cé leis ar féidir liom teagmháil a dhéanamh má tá ceist eile agam? Taispeáin an chuid seo

Le haghaidh ceisteanna a bhaineann le haon chéim den phróiseas comórtais agus roghnúcháin, déan teagmháil le guiderecruitment@opw.ie

Má chuirim isteach ar phost sa chéad chomórtas, an féidir liom iarratas eile a dhéanamh ar phost nuair a fhógrófar tuilleadh comórtas? Taispeáin an chuid seo

Is féidir, caitear le gach comórtas ar leithligh, áfach. Má éiríonn le hiarrthóir i gcomórtas amháin agus má thairgtear post dóibh, ní féidir aon tairiscint eile a dhéanamh.