Buaicphointí Caisleán Bhaile Hac (3)
Cosaintí Brúidiúla
Tá go leor gnéithe cosanta breá glice sa túrtheach suaithinseach seo ón gcúigiú haois déag. Féadtar an poll lámhaigh, mar shampla, a fheiceáil ón taobh amuigh, ag gobadh amach ón gceathrú hurlár. Ón áit seo, chaithfí diúracáin ar ionsaitheoirí – nó ar chuairteoirí gan cuireadh! Bí ag faire amach do na fuinneoga a bhfuil scoilt saighead orthu. B’fhéidir go bhfuil siad cúng, ach ba ghné chosanta thar a bheith éifeachtach iad.
Tá poll an uafáis díreach taobh istigh den doras. Ba í an chéad líne chosanta eile í, nár úsáideadh ach amháin dá n-éireodh le hionsaitheoir teacht isteach. Dhéanfaí réada a chaitheamh amach ó pholl an uafáis, atá ar an dara hurlár, ar namhaid a bhí thíos.
Féach an féidir leat teacht ar an bpoll muscaeid, a cuireadh isteach sa an seachtú haois déag, agus samhlaigh béal ghunna marfach ag gobadh amach ón taobh istigh.
Gnéithe An-Spéisiúla
Tóg nóiméad chun breathnú ar an tsíleáil boghtaí bairille dea-chaomhnaithe ar an gcéad urlár. An féidir leat na marcanna a d’fhág an chaoladóireacht a d’úsáidtí le linn na tógála a fheiceál?
Tá an ‘oubliette’, ar a dtugtar an doinsiún freisin, ar an dara hurlár. Úsáideadh é mar sheomra daingean. Bheadh naimhde gafa agus ciontóirí mí-ámharacha curtha i bpríosún ansin.
Tá dhá losán – nó leithris mheánaoiseacha – i gCaisleán Bhaile Hac. Bíodh sport agat ag iarradh an bealach amach a aimsiú.
Ar bhalla seachtrach Chaisleán Bhaile Hac, tá aghaidh snoite sa chloch. An mbeidh tú in ann é a aimsiú?
Caith Súil ar an Séipéal
Ar an tríú hurlár tiocfaidh tú ar shéipéal beag. Tá roinnt iarsmaí spéisiúla sa séipéal, cosúil le piscina – báisín cloiche éadomhain ina nglantaí na soithí a úsáideadh sa tseirbhís – almóir nó caibinéad cuasaithe chun na soithí sin a stóráil, agus seilf altóra.
