Cad a dhéanaimid

Is é an príomhchúram atá againn ná na foirgnimh stairiúla agus an oidhreacht is tábhachtaí in Éirinn a bhainistiú agus a chaomhnú. Tugaimid an-aire do na 780 láithreán oidhreachta atá faoinár gcúram. Anuas air sin, ag na 70 láithreán ina bhfuil seirbhísí do chuairteoirí ar fáil, oibrímid go dian chun iad a chur i láthair ar na caighdeáin is airde, ag cinntiú go dtugaimid an t-eispéireas is fearr is féidir linn do chuairteoirí ó Éirinn agus ó thíortha eile.

Ar mhaith leat oibriú chun ár láithreáin oidhreachta a chur chun cinn agus a chur i láthair don phobal? Tá Seirbhísí Cuairteoirí Oifig na nOibreacha Poiblí ag lorg daoine díograiseacha faoi láthair chun bheith mar chuid dá bhFoireann Treoraithe tiomnaithe.

Teistiméireachtaí

Is aghaidh phoiblí an OPW iad ár dTreoraithe, a chuireann suíomhanna oidhreachta is tábhachtaí na hÉireann os comhair an phobail. Tá ról ríthábhachtach ag an tSeirbhís Treorach maidir le caomhnú agus cur i láthair rogha suíomhanna, chomh maith le sábháilteacht agus sásamh na gcuairteoirí a chinntiú.

Tugann Treoraithe Oidhreachta taithí uathúil nach ndéanfá dearmad uirthi do chuairteoirí ó gach cearn den domhan. Is post é a mbainfeá sásamh agus sult as má thaitníonn sé leat do chuid saineolais agus díograise a roinnt le daoine eile.

Teistiméireachtaí Treoraithe

Teistiméireachtaí Treoraithe

Eolas Fúinn

Bhí láthair Chaisleán Ros Comáin straitéiseach agus siombalach araon. Bhí Connacht ar cheann de na ríochtaí Éireannacha deireanacha le bheith faoi riail Angla-Normannach tar éis na n-ionraí i ndeireadh an 12ú haois. Throid agus d’ainligh na ríthe cumhachtacha Ó Conchobair go polaitiúil i gcoinne na n-ionróirí ar feadh na mblianta fada i ndiaidh na n-ionraí. Faoi na 1260idí, bhí na hAngla-Normannaigh sáinnithe i gcoimhlint mharfach le hAedh, mac Fhelim Uí Chonchobair, an Rí deireanach ar Chonnachta. Ba an chrannóg anseo ar Loch na nÉan ar cheann de lucht tacaíochta traidisiúnta Uí Chonchobair. B’áit í seo a raibh neart miotaseolaíochta agus finscéalaíochta ag baint léi. Deirtear gur cuireadh príomhcharachtar na heipice mór le rá Táin Bó Cúailgne, Fergus Mac Róich, Rí Uladh, ar bhruach an locha. Deirtear freisin gur bealach isteach don Saol Eile atá ann. Ba ghníomh thar a bheith siombalach é caisleán ríoga Angla-Normannach a lonnú sa tírdhreach lán staire seo, díreach in aice le teach mhuintir Uí Chonchobair.
É sin ráite, níos lú ná céad bliain tar éis é a chur i gcrích, ghlac muintir Uí Chonchobair seilbh ar chaisleán Ros Comáin in 1340 agus bhí seilbh acu air ar feadh beagnach dhá chéad bliain. Mar sin féin, in 1569, tugadh an caisleán suas do na Sasanaigh. Ina dhiaidh sin bronnadh ar an Ridire Nicholas Malby é in 1578, a chaith na múrtha airgid ar an gcaisleán a nuachóiriú ionas go mbeadh sé oiriúnach do bhall na scothaicme Túdaraí. Tá fianaise an phróisis nuachóirithe seo le feiceáil sna fuinneoga móra dronuilleogacha, atá le feiceáil go háirithe in oirthuaisceart an chaisleáin. Thóg sé garraí daingean an-mhór, linnte éisc agus aibhinne galánta a bhfuil crainn ar gach taobh de, i dtreo bhaile Ros Comáin.
Bhí Caisleán Ros Comáin faoi léigear ag Aodh Ó Domhnaill le linn Chogadh na Naoi mBliana in 1596, agus arís in 1599. Rinneadh ionsaí ar an gcaisleán le linn Chogaí na Cónaidhme sna 1640dí. Níor stop an doirteadh fola ansin, mar ghabh fórsaí Oliver Cromwell an caisleán in 1652 agus milleadh na dúnta. Rinneadh dochar mór don chaisleán de bharr tine in 1690 agus tháinig drochbhail air le linn an 18ú agus 19ú haois.
Téigh ó thuaidh ón gcearnóg i mbaile Ros Comáin agus glac an bealach amach do shráid an Chaisleáin. Cas ar chlé síos Lána an Chaisleáin, tá páirceáil ar fáil ar an tsráid seo agus níl an caisleán ach siúlóid ghearr uaidh seo.

An Post

Áirithe i Ról na Treoraithe Séasúracha/ Oifigigh Eolas beidh:

• Caomhnú an Láithreáin
• Cinntiú go gcloífear le pé rialacha atá ann do chuairteoirí.

• Bheith freagrach as slándáil agus sábháilteacht ag an láithreáin.

• Fáiltiú Roimh Chuairteoirí & na dualgais a bhaineann leis

• Fáilte a chur roimh cuairteoirí chuig an láithreán

• Cuntas ar an an láithreán agus na háiseanna a thabhairt do chuairteoirí

• Airgead a chomhaireamh agus na fáltais a réiteach

• Gléas closamhairc nó fearas cuí eile a oibriú

• Déileáil le fiosrúcháin faoin gceantar agus na háiseanna do chuairteoirí ann

• Déileáil le fiosrúcháin fón

• Déileáil le háirithintí don láithreán

• Cur chun cinn agus léirmhíniú an Láithreáin

• Cur amach ar gach gné gach gné de thábhacht agus cúlra an láithreáin

• Do thráchtaireacht turais féin a fhorbairt i gcomhairle leis an stiúrthóir agus na treoraithe eile

• Turais treoraithe a stiúradh

• Turas treoraithe a chur in oiriúint do ghrúpaí ar leith

• Bainistíocht Imeachtaí

• Déileáil le mionfhiosrúcháin faoi ghnéithe ar leith den láithreán

• Dualgais lasmuigh lena n-áirítear Maoirseacht Páirce ach gan a bheith teoranta dóibh

• Dualgais feitheoir

Ina theannta sin, beidh ar an sealbhóir poist aon dualgas atá in oiriúint don phost, a thugtar dó/di ó am go chéile, a chomhlíonadh agus páirt a ghlacadh i bhforbairt an post an fhad agus atá sé/sí i seilbh oifige.

Riachtanais

Ní mór d’iarratasóirí na nithe seo leanas a bheith acu:

• Feasacht ar an Oidhreacht agus tuiscint agus spéis sa Stair

• Tuiscint ar réasúnaíocht stairiúil agus modheolaíocht taighde

• Cumas dul i dteagmháil le agus cláir a dhéanamh do lucht féachana éagsúil, daoine aonair agus pobail, ar an láthair agus ar line.

• Ní mór d’iarrthóirí a bheith 18 mbliana d’aois ar a laghad ar 1 Eanáir 2024. Tá scor éigeantach nuair a shroicheann siad 70 bliain d’aois. Ní mór d’iarrthóirí teastas breithe bunaidh nó Pas a sholáthar chun críocha fíoraithe aoise mar chuid den phróiseas réamhfhostaíochta. Ní dhéanfar aon cheapachán chuig an bpost do na hiarrthóirí sin nach gcomhlíonann na critéir aoise

Taithí oibre iomchuí

• An cumas oibriú mar chuid d’fhoireann agus idirghníomhú le comhghleacaithe, bainisteoirí agus leis an bpobal ar bhealach tuisceanach, cúirtéiseach agus gairmiúil.
• An cumas cur le spiorad maith foirne agus é a chothabháil

• Toilteanas glacadh le treoir

• Scileanna idirphearsanta agus cumarsáide den scoth lena n-áirítear muinín agus cumas cuir i láthair a dhéanamh do ghrúpaí

• Dea-bhreithiúnacht agus scileanna cinnteoireachta go háirithe i gcásanna éigeandála

• Suim i leith soiléireacht agus caighdeán oibre

• Taithí ar chóras agus nósanna imeachta TFC

• Feasacht iomlán ar nósanna imeachta sláinte agus sábháilteachta. Ní mór an Obair ar fad a chur i gcrích ar bhealach éifeachtach agus sábháilte, de réir threoracha an mhaoirseora/bainisteora, maidir leat féin, lena chomhghleacaithe agus leis an bpobal trí riachtanais Sláinte agus Sábháilteachta a thuiscint, a urramú agus a chur i bhfeidhm

• Feasacht ar ghá an láithreán a chaomhnú

• Tiomantas do Sheirbhísí do Chustaiméirí ar Ardchaighdeán

Is dócha go mbeidh agallaimh ar siúl go pearsanta i rith mhí na Eanáir.
Beidh fad na gconarthaí éagsúil óna chéile ach mairfidh siad idir 3 agus 9 mí.

Ceisteanna Coitianta

Níl mé sa tír faoi láthair, an féidir liom iarratas a dhéanamh fós? Taispeáin an chuid seo

Is féidir. Mura bhfuil tú sa tír ag am an agallaimh, is féidir linn agallamh ar líne a éascú duit má éiríonn le d’iarratas.

Cathain ba cheart dom a bheith ag súil le cloisteáil uaibh maidir le cibé ar cuireadh m’iarratas ar aghaidh chuig céim an agallaimh nó nár cuireadh? Taispeáin an chuid seo

Déanfar teagmháil le gach iarrthóir trí ríomhphost laistigh de mhí amháin ón dáta deiridh agus tabharfar cuireadh duit chun agallaimh nó gheobhaidh tú litir chun a rá nár cuireadh d’iarratas ar an ngearrliosta le haghaidh agallaimh an uair seo.

Cé leis ar féidir liom teagmháil a dhéanamh má tá ceist eile agam? Taispeáin an chuid seo

Le haghaidh ceisteanna a bhaineann le haon chéim den phróiseas comórtais agus roghnúcháin, déan teagmháil le guiderecruitment@opw.ie

Má chuirim isteach ar phost sa chéad chomórtas, an féidir liom iarratas eile a dhéanamh ar phost nuair a fhógrófar tuilleadh comórtas? Taispeáin an chuid seo

Is féidir, caitear le gach comórtas ar leithligh, áfach. Má éiríonn le hiarrthóir i gcomórtas amháin agus má thairgtear post dóibh, ní féidir aon tairiscint eile a dhéanamh.