Dún Eoghanachta

Tá Dún Eoghanachta, caiseal ón luath-mheánaois, suite i mbaile fearainn Eoghanachta, ainmnithe in ómós ríshliocht cumhachtach Mhumhan a rialaigh an t-oileán agus formhór na Mumhan ón bpríomhchathair sa Chaiseal, i gCo. Thiobraid Árann ag tús thréimhse na meánaoise. Seans gur tógadh an dún thart ar A.D. 900 agus is balla amháin ciorclach atá ann, suas le 5m ar airde agus 4.75m ar tiús.

Léirigh tochailtí a rinneadh gur ith muintir Eoghanachta neart mairteola, caoireola agus sliogéisc, agus gur ith siad muiceoil uaireanta, agus go mbíodh fia rua agus lao mara acu ach gurbh annamh a tharla sé sin. Ar ndóigh ba mhór i gceist na fionnachtana a rinneadh ag an láithreán sa tréimhse sin agus ina measc tá sceana agus bioranna iarainn, chomh maith le cloichíní ómra. Bhí líon mór ómra á iompórtáil isteach sa tír ag an Lochlannaigh ag an am, agus léiríonn sé sin go raibh Árainn mar chuid den ghréasán trádála sin ag síneadh ón Atlantach go dtí Mhuir Bhailt.

Istigh sa dún tá trí struchtúr a bhféadfadh sé go raibh siad níos óige ná an dún féin. Taispeántar le pingin ar dhath an airgid ar thángthas air ó c. A.D. 1300 go raibh an dún fós á áitiú ag an bpointe sin.

Cuidigh linn le do thoil an séadchomhartha seo a thabhairt slán le haghaidh na nglúnta oileánach agus cuairteoirí amach anseo – ná téigh in airde ar na ballaí agus ná bain aon chlocha.

Gabh chuig Amharcóir Timpeallachta Stairiúla le tuilleadh eolais a fháil faoi Dhún Eoghanachta

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014