Muilte Arbhair agus Lín an Mhuilinn Úir

Téigh ar thuras beag amach as Leitir Ceanainn agus féach ar an teicneolaíocht a rinne an Réabhlóid Thionsclaíoch a chumhachtú.

Tá an foirgneamh is sine atá fós ag an Muileann Úr 400 bliain d’aois agus bhí muilte ag an Muileann Úr ó thús an naoú haois déag. Sa ré Victeoiriach, bhí muileann lín ag croílár an ionaid, ag cur soláthairtí ríthábháchtacha ar fáil do thionscal an línéadaigh, cnámh droma gheilleagar Uladh ag an am. Rinneadh eorna, coirce agus grán buí iompórtáilte a mheilt ag an muileann arbhair.

Mhéadaigh an gnó ag an Muileann Úr le teach tábhairne, teachín scuitseála agus teach ceárta. Ag tús na 1900idí bhí an Muileann Úr ag easpórtáil bia chomh maith – ba as an áit sin a tháinig na soláthairtí ba luaithe d’im, bagún agus uibheacha d’impireacht ghrósaera Sir Thomas Lipton i nGlaschú a bhí ag teacht chun cinn ag an am.

Is féidir an roth uisce a thiomáin an muileann arbhair a fheiceáil i mbun oibre go fóill. Tá sé ar cheann de na rothaí uisce is mó sa tír atá fós ag obair.