Baile Eaglasta Thigh Moling

Tá sráidbhaile Thigh Moling suite ar bhruacha na Bearú, agus clú air as a stair eaglasta shuntasach. Tá sé ar cheann de na suíomhanna seandálaíochta is tábhachtaí sa tír, in éineacht le Gleann Dá Loch agus Cluain Mhic Nóis.

Bhunaigh Naomh Moling an láthair mhainistreach sa 7ú haois, agus is áit oilithreachta é ó shin i leith. Bailíonn cuairteoirí thart ar an tobar beannaithe mar gheall ar an leigheas atá luaite leis. Tá iarsmaí ó neart tréimhsí i Stair na hÉireann ar an sráidbhaile, ina measc: lonnaíocht mhanachúil luath-Chríostaí, Móta agus Bábhún Normannach, chomh maith le reilig, inar cuireadh iad siúd a bhí páirteach in Éirí Amach 1798.

I measc iarsmaí an tsráidbhaile, tá: cloigtheach, tobar beannaithe, muileann, agus sé shéipéal. Téann an séipéal is sine díobh siar go dtí an 10ú nó 11ú haois.

De réir an traidisiúin, téann stair Thigh Moling níos faide siar fós, agus baint ag Fionn Mac Cumhaill leis an mbaile. Tá sé ráite gur fhan sé ann chun a chuid leantóirí a thabhairt le chéile ar an mbealach ó thuaidh, ag dul chun troda.

Gabh chuig Amharcóir Timpeallachta Stairiúla le tuilleadh eolais a fháil faoi Bhaile Eaglasta Thigh Moling

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014