An Gairdín Cuimhneacháin

Ba é an t-ailtire, Dáithí Hanly, a dhear an gairdín álainn seo i lár na cathrach agus tá sé tiomnaithe i gcuimhne ar na daoine go léir a fuair bás ar son shaoirse na hÉireann.

Rinneadh an gairdín a oscailt go hoifigiúil ar chomóradh leathchéad bliain Éirí Amach 1916.

Is í dealbh iontach le hOisín Kelly, bunaithe ar Chlann Lir, croílár an ghairdín. San fhinscéal sin, rinneadh ceathrar páistí a chlaochlú ina n-ealaí agus fágadh mar sin iad ar feadh 900 bliain sula ndearnadh daoine arís díobh. Tá dán le Liam Mac Uistin inscríofa ar an mballa taobh thiar den dealbh. Is í seo líne dheiridh an dáin: ‘A ghlúnta na saoirse cuimhnígí orainne, glúnta na haislinge…’

Áit um chuimhneachán ciúin is ea an gairdín. Is áit fhoirfe í le faoiseamh a fháil ó chlampar na cathrach.