Dearc Fhearna

Sraith de phluaiseanna aolchloiche a foirmíodh thar na milliúin blianta is ea Dearc Fhearna, atá suite gar do bhaile Chill Chainnigh. Is ann atá cuid de na foirmíochtaí cailcíte is suntasaí atá le fáil in aon struchtúr faoi thalamh in Éirinn.

Tá eolas ar an bpluais leis an cianta agus luadh den chéad uair í i dTréanna Éireannacha ón naoú haois, áit a ndéantar cur síos uirthi mar ‘cheann de na háiteanna is dorcha in Éirinn’. Tá an tagairt is uafásaí le fáil, áfach, in Annála Ríoghachta Éireann, ina ndeirtear go ndearna an ceannaire Lochlannach Gofraid ua Ímair sléacht ar mhíle duine ansin in 928 AD. Níor dheimhnigh iniúchadh seandálaíochta go cinnte gur tharla a leithéid de shléacht, ach léiríonn nithe a fuarthas taobh istigh den phluais – taisí daonna ina measc – go raibh na Lochlannaigh gníomhach san áit.

Tá Dearc Fhearna ina pluais taispeántais anois agus tá turais treoraithe ar fáil ann a thugann isteach go domhain faoi thalamh thú – agus níos doimhne fós sa stair.