Caisleán Mhala

I gcroílár bhaile Mhala tá coimpléacs foirgneamh, lena n-áirítear fothracha caisleáin agus teach daingnithe, chomh maith le 33 acra de ghairdín agus fearann páirce, agus is cuid de Chaisleán Mhala iad ar fad.

Is foirgneamh dronuilleogach trí stór é an teach daingnithe, ar stíl Sheacaibíneach agus tá túir ar a choirnéil. Tá dhá bhealach isteach sa teach daingnithe, agus tá colbhaí dorais maisithe ar an bpéire. Tá na hurláir adhmaid taobh istigh imithe le fada an lá, ach tá soicéid ghiarsaí fós ann. Tá neart solais ag teacht isteach sa teach, agus tá tinteáin agus strapaí gunnaí ar fud na háite.

Is é Sir Thomas Norreys, Tiarna Uachtarán Mhumhan a thóg an teach, sa 16ú haois. Ceaptar go raibh cónaí ar Norreys sa chaisleán, a mbíodh muintir Mhic Gearailt ann ar dtús, fad agus a bhí a theach nua daingnithe á thógáil. Is é teach daingnithe Norreys an teach daingnithe ba luaithe i gCorcaigh, ag léiriú an aistrithe ó chosaint go compord.

Tar éis do Norreys bás a fháil fuair a iníon Elizabeth, agus a fear céile, Sir John Jephson, an láithreán le hoidhreacht agus d’fhan sé in úinéireacht a sleachta ar feadh 400 bliain. Ionsaíodh é le linn Chogaí na Comhdhála in Éirinn agus le linn Chogadh an Dá Rí. Roghnaigh muintir Jephson teach nua a thógáil ar láthair gar don seanchaisleán. Ina dhiaidh sin, in 1984, díoladh an láithreán le muintir McGinn agus is le Comhairle Contae Chorcaí é anois.

Gabh chuig Amharcóir Timpeallachta Stairiúla le tuilleadh eolais a fháil faoi Chaisleán Mhala

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014