Crannlann agus Gairdíní Fhóite

Téigh ag fámaireacht thart ar ósais oileánda de fhlóra neamhchoitianta andúchasacha

Cead isteach

Tabhair faoi deara le do thoil nach gclúdaíonn 
Cárta Oidhreachta OOP iontráil go dtí an Teach , 
níl aon táille iontrála ar na Gairdíní.

Getting here

Oileán Fota
Carraig Thuathail
Co. Chorcaí
T45 K656

Get Directions

Crannlann agus Gairdíní Fhóite

Ní mór do dhuine ar bith a bhfuil suim aige nó aici sa ghairneoireacht cuairt a thabhairt ar chrannlann agus ar ghairdíní Oileán Fhóite, 16 chiliméadar amach ó lár chathair Chorcaí.

Síneann an chrannlann amach thar 11 heicteár agus tá ceann de na bailiúcháin is breátha ann de chrainn agus de thoir neamhchoitianta leochaileacha atá ag fás amuigh faoin aer san Eoraip. De bharr na coinníollacha uathúla atá ag Fóite – ithir the agus suíomh foscúil – fásann mórán samplaí iontacha de phlandaí andúchasacha ón leathsféar theas go maith ann.

Mar chuid de na gairdíní tá gnéithe fíoráille mar an linn ornáideach, gairdíní pléisiúir foirmiúla, teach oráistí agus teampall gréine. Ba é James Hugh Smith-Barry a leag amach iad sa chéad leath den naoú haois déag. Tá Teach Fhóite, teach sinseartha chlann Smith-Barry, fós ina sheasamh. Ar an oileán céanna leis an teach, an chrannlann agus na gairdíní tá óstán agus ionad saoire gailf agus páirc fiadhúlra.