Gairdíní Altamont

Eastát mór álainn ina bhfuil 16 heictéar san iomlán is ea Gairdíní Altamont, leagtha amach i stíl William Robinson, a bhfuil ‘an tsimplíocht mhacánta’ mar sprioc aici. Suíonn an dearadh bailiúchán plandaí den scoth go foirfe taobh istigh den tírdhreach nádúrtha.

Mar shampla, tá faichí agus iúir shnoite ag síneadh le fána chuig loch a bhfuil crainn agus róslabhrais neamhchoitianta ina bhfáinne timpeall air. Tugann siúlóid iontach faoi scáth na gcrann darach agus lomáin ollmhóra chloiche ar an dá thaobh agus a theánn tríd an gCrannlann, tríd an nGairdín Portaigh agus trí Ghleann na hOighearaoise, chuig bruach na Sláine thú. Tar ar cuairt sa samhradh chun boladh álainn na rós agus na bplandaí lusacha a fháil san aer.

Mar gheall ar an gcothromaíocht atá idir na gnéithe foirmiúla agus na gnéithe neamhfhoirmiúla, idir an nádúr agus an ealaíontacht, tá pearsantacht faoi leith atá uathúil – agus draíochtúil – ag baint le Gairdíní Altamont.