Fógra
Séadchomhartha Náisiúnta is ea Cros Charraig an Dísirt atá faoi úinéireacht an stáit agus faoi chúram Oifig na nOibreacha Poiblí
WARNING: It should be noted that these sites are unguided and a level of care and caution should be maintained during all stages of your visit. The Office Of Public Works (OPW) will not be held responsible for any damages, injuries, or losses that occur
Cros Charraig an Dísirt
Thóg an Bhantiarna Sinéad Dúdal an chros cois bóthair seo thart faoin mbliain 1607 dá dara fear céile, Oilibhéar Pluincéid, Barún Lú. Is ann do chros eile i gContae na Mí, Cros Bhán Áth Carn, a thóg Dúdal dá dara fear céile freisin. Leathcheann í an chros seo; tá an ceann eile i mBaile an Tallúnaigh.
Tá Cros Charraig an Dísirt déanta as aolchloch. Tugtar Crois Bhaile an Bharraigh uirthi fosta. Tá inscríbhinní, fíoríomhánna agus sciatha araltais ar na ceithre thaobh.
An Taobh Thiar = Tá íomhá de Naomh Peadar le feiceáil agus eochracha ina lámh aige; tá inscríbhinn faoina bun, “iarrtar ortsa, Naomh Peadar, guí ar son anamacha Oilibhéir Pluincéid, Barún Lú, agus Shinéad Dúdal, a bhean chéile.”
An Taobh Thoir = Tá íomhá de Naomh Pádraig le feiceáil; tá bachall i lámh amháin aige agus tá beannacht á tabhairt aige leis an lámh eile. Deir an inscríbhinn faoina bun: “Iarraim ortsa, Naomh Pádraig, guí ar son anamacha Oilibhéir Pluincéid, Barún Lú, agus Shinéad Dúdal, a bhean chéile.”
An Taobh Thuaidh = Tá sciath ar an taobh seo ar a bhfuil na hinisealacha O.P. agus J.D. inscríofa. Deir an inscríbhinn faoina bun: “Rinne an Bhantiarna Sinéad Dúdal, bean chéile Oilibhéir Pluincéid, Barún Lú, nach maireann, an chros seo a thógáil dósan agus di féin sa bhliain d’aois ár dTiarna Dia 16… ar tiarna é a fuair bás an 5 Márta 1607 agus a cuireadh i Séipéal Naomh ‘Tere/In’, Baile an Tallúnaigh, agus guím go ndéana Dia trócaire ar a anam, Áiméan.”
An Taobh Theas = Tá na hinisealacha M.T. agus L.B. os cionn sciath eile agus tá an inscríbhinn seo a leanas faoina bun: “IHS, Muire, Sé do bheatha, a Mhuire, atá lán de ghrásta, tá an Tiarna leat, Sé do bheatha, a Mhaighdean rómhilis, máthair Dé, banríon ró-iontach na bhflaitheas, guigh ar son anamacha Oilibhéir Pluincéid agus na Bantiarna Sinéad Dúdal, a bhean chéile, de gheall ar Íosa, do mhac rómhilis.”
Gabh chuig Amharcóir Timpeallachta Stairiúla le tuilleadh eolais a fháil faoi Chros Charraig an Dísirt
Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint
Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014
Gailearaí
Suíomhanna cóngarach
Láithreán Mainistreach Chistéirseach na Seanmhainistreach Móire
Tabhair cuairt ar an gcéad áit a bhunaigh na Cistéirsigh in Éirinn
Timpeall 8.8 km ón Cros Charraig an Dísirt
Ionad Cuairteoirí Bhrú na Bóinne: Sí an Bhrú, Cnóbha agus Dubhadh
Tabhair cuairt ar an tírdhreach seandálaíochta is saibhre in Éirinn
Timpeall 8.9 km ón Cros Charraig an Dísirt
Ionad Cuairteoirí Chath na Bóinne – Eastát an tSeandroichid
Áit ar throid beirt ríthe ar mhaithe le todhchaí na hEorpa
Timpeall 11.0 km ón Cros Charraig an Dísirt
Teamhair
Faigh blaiseadh d’oidhreacht na n-ardríthe
Timpeall 14.2 km ón Cros Charraig an Dísirt
Caisleán Bhaile Átha Troim
An siombal is mó le rá de chaithréim na Normannach
Timpeall 21.6 km ón Cros Charraig an Dísirt
Reilig Mheigiliteach Loch Craobh
Buaicphointe na healaíne agus an dearaidh Neoilitigh
Timpeall 35.0 km ón Cros Charraig an Dísirt
