Heinse an Charainn – Ráth na dTarbh

Tá lios/imfhálú searmanais Ráth na dTarbh 4 km ó dheas den Chaiseal, ar bharr cnoic. Tógadh liosanna de ghnáth i dtréimhse na Luath-Mheánaoise ach fuarthas amach gur tógadh roinnt acu níos túisce sa Chré-Umhaois agus níos déanaí san Iarannaois Dhéanach.

Dar le saineolaithe go bhféadfadh sé gur chuid den choimpléacs ríogach níos mó de lios Ráth na Drinne é Ráth na dTarbh, lios atá 2 km ó thuaidh. Ní dhearnadh tochailt ar lios Ráth na Drinne ach rinneadh íomháú maighnéadach ardtaifigh air agus creidtear anois go dtéann a dhátaí siar go dtí an Chré-Umhaoise Dhéanach. Tugadh le fios freisin san íomháú maighnéadach go raibh cuaillí adhmaid ciorclacha ann cosúil le mar atá in Stonehenge a thabharfadh le fios go raibh feidhm shearmanais ag an ráth. Tá imfhálú mór ciorclach in Ráth na dTarbh, atá beagnach 70 m ina imlíne le himfhálú leathan agus cothrom. Sainaithníodh dhá fheart fháinneacha inmheánacha (dumha íseal a ardaíonn de réir a chéile ó bhruach an imfhálaithe áit inar leagadh cnámha créamtha). Ba shéadchomharthaí adhlactha a bhí sna fearta fáinneacha go príomha, agus léiríodh fearta sna tochailtí a rinneadh le créamadh aonair nó iomadúla.

Gabh chuig Amharcóir Timpeallachta Stairiúla le tuilleadh eolais a fháil faoi Heinse an Charainn

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014