Daingean an Phríomhgharda

Sa seachtú haois déag, Palaitíneacht ba ea Contae Thiobraid Árann, a bhí á rialú ag James Butler, Diúc Urumhan. Nuair a chinn an Diúc gur theastaigh teach cúirte nua uaidh, thóg sé ceann i gcroílár Chluain Meala. Níos déanaí, nuair a úsáideadh mar bheairic é, tugadh Daingean an Phríomhgharda air.

Is foirgneamh breá siméadrach dhá stór é agus bunaíodh roinnt gnéithe den dearadh ar shaothair leis an ailtire cáiliúil, Sir Christopher Wren.

San ochtú haois déag, bhí sé mar ionad do Chúirteanna Seisiúin Chluain Meala. Ba í an triail ba shuntasaí a reáchtáladh ann ná triail an Athar Nicholas Sheehy, an gríosóir in aghaidh na bPéindlíthe. Crochadh agus tarraingíodh Sheehy agus gearradh ina cheathrúna é.

Thart ar an mbliain 1810, cuireadh siopaí ar urlár na talún, ach le déanaí, rinneadh athchóiriú, a bhfuil duaiseanna buaite aige, ar an bhfoirgneamh. Tá an stuara oscailte de cholúin ghaineamhchloiche mar ghné tharraingteach den tsráid-dreach arís agus taobh istigh de gheobhaidh tú taispeántas iontach agus spás d’imeachtaí.