Túr Reginald

Rinneadh cur síos ar an túr seo uair amháin mar ‘inse ollmhór cloiche a nascann dhá sciathán na cathrach agus iad spréite amach’. Níor ligeadh an túr i léig riamh agus tá sé in úsáid ar bhonn leanúnach le breis agus 800 bliain.

Tógadh í dtús báire é mar dhúnfort Lochlannach ach is iad na hAngla-Normannaigh a thóg an túr cloiche atá le feiceáil againn anois agus ba é an túr an pointe ba láidre sna ballaí cosanta meánaoiseacha. Ina dhiaidh sin, bhí sé ina mhionta faoin Rí Seon, sular úsáideadh é ar bhealaí éagsúla faoi mhórán ríthe Sasanacha. Rinneadh airm, púdar gunna agus gunnaí móra a stóráil ann, ar léiriú iad ar thréimhsí éagsúla i stair chorrach Phort Láirge.

Téigh suas an staighre bíse trí thrí urlár chun amharc a fháil ar iarsmaí de chillín príosúin ón naoú haois déag, déantáin ó stair Lochlannach Phort Láirge agus claíomh an Phríomh-Chonstábla arbh é a theaghlach na cónaitheoirí deiridh a bhí sa túr.

Faoi láthair, is brainse de Mhúsaem Taiscí Phort Láirge é, ina ndírítear ar oidhreacht chorraitheach Lochlannach an bhaile.