Mainistir Chistéirseach Bhaile na gCailleach – Foirgneamh Otharlainne

Cé go bhfuil an paróiste áitiúil i mbun an tséipéil athchóirithe, is iad na fothracha den otharlann le hais an tséipéil atá faoi chúram Oifig na nOibreacha Poiblí. Bhí na fothracha sin mar chuid den mhainistir bhunaidh a bhí ar na tailte seo tráth den saol, ag dul siar go dtí bunú na Mainistreach Cistéirsí sna 1180idí ag Rí Luimnigh, Dónal Mór Ó Briain.

Is beag atá fágtha den mhainistir bhunaidh; gabhann na codanna den mhéid atá fágtha siar go dtí an 13ú haois, agus gabhann formhór an fhoirgnimh, agus a chuid gnéithe, siar go dtí an 15ú haois. Rinneadh cuid mhaith de na hathchóirithe sin ón 15ú haois faoi phátrúnacht Bhuitléirí Urumhan.

Seans gurb é an sedilia (suíocháin chloiche, gar don altóir, don chléir de ghnáth) an píosa ailtireachta is breátha ón 15ú haois sa tír. Tá ceann de na freascónna meánaoiseacha atá fós againn in Éirinn le fáil sa mhainistir freisin.

Gabhann tábhacht na mainistreach seo siar go dtí tráth a bhfuair Muirchertach Ó Briain blúire d’Fhíorchroch Chéasta Chríost ón bPápa Paschall II, a chiallaíonn gur ionad oilithreachta é a bhfuil an-tóir air.

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014