Prióireacht Agaistíneach na Cathrach

Tá fothracha Mhainistir na Cathrach, ar a dtugtar Prióireacht Mhuire, suite i mbaile na Cathrach. Bhunaigh Geoffrey de Camville í i gcomhair Chanónaigh Rialta Agaistín Naofa ag deireadh an 12ú céad. I ndiaidh dhíscaoileadh na mainistreacha, thug an prióir deireanach, Éamann Ó Longargáin, an phrióireacht suas sa bhliain 1540. Bronnadh an mhainistir ar an Ridire Tomás de Buitléir, Barún na Cathrach, in 1542.

Bhí céimeanna éagsúla i gceist le tógáil na prióireachta, lena n-áirítear an obair a rinneadh uirthi sa 13ú céad, sa 15ú agus sa 16ú céad. Is éard atá fágtha den phrióireacht séipéal agus trastúr, mar aon le raon foirgneamh, lena n-áirítear mórsheomra boghtach, túr, agus b’fhéidir a bhfuil fágtha den phroinnteach. Tochlaíodh cuid den suíomh thiar in 1994 agus fuarthas seacht n-adhlacadh faoi na raonta. Tá corp na heaglaise ar shiúl ach tá an saingeal ann ar fad. Ní bhíodh sa trastúr cúig stór ach ceithre stór. Ar na gnéithe ailtireachta atá le fáil inti tá marcanna saoir cloiche, snaidhm Cheilteach shnoite, linn ionnalta dhúbailte agus coirbéil shnoite.

Gabh chuig Amharcóir Timpeallachta Stairiúla le tuilleadh eolais a fháil faoi Mhainistir na Cathrach

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014