Séipéal Toureen Peakaun

Tá imfhálú mainistreach Toureen Peakaun 6 km siar ó thuaidh den Chathair agus tá séipéal, crosa, balláin, agus tobar beannaithe ann, mar aon le leaca greanta, leaca croise, altóir, scrín agus clog gréine. Bhunaigh Naomh Alban an láthair mhainistreach sa 7ú haois, a raibh Naomh Beccan mar chomharba air.

Rinneadh tochailt ar an imfhálú agus léiríodh leis sin go raibh cosaint ag an láthair ó phailis, agus dátú radacarbóin ag cur dáta air go dtí deireadh an 7ú haois. Rinne Oifig na nOibreacha Poiblí tochailt ar chuid den séipéal beag Rómhánúil, a tógadh sa 12ú haois, agus rinneadh atógáil air sna 1940idí agus cuireadh na míreanna ar thángthas orthu isteach i gcreatlach an tséipéil le linn a hatógála i.e. an clog gréine, na leaca croise, agus blúiríní ailtireachta as fuinneoga den chuid is mó. Tá fuinneoga an tséipéil maisithe le rachtáin le rilíf íseal, chomh maith le fordoras agus peidiméid mhaisithe. Sonraíodh sna tochailtí go raibh adhlacthaí laistigh den séipéal, 28 ar an iomlán agus leac uaighe bhriste ó luath na meánaoise ag ceann de na hadhlacthaí.

Is cuid de bhalla an tséipéil é an clog gréine, tá sé ciorclach agus déanta as gaineamhchloch. Tá barr na haghaidhe beagnach cearnógach le poll pionnaí áit a mbeifí in ann an nóman adhmaid a chur, ón 9ú haois. Tá dhá philéar bheaga agus moirtís uachtair sa scrín. Is cosúil go bhfuil patrún croise an-éadrom i gceann de na crosa. Léirítear mionsonraí snoite ar chuid mhaith de na leaca agus tá imlíne sofheicthe den chros Laidineach ar roinnt acu.

Gabh chuig Amharcóir Timpeallachta Stairiúla le tuilleadh eolais a fháil faoi Shéipéal Toureen Peakaun

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014