Ardeaglais Ard Fhearta

Rugadh Naomh Breandán, an Loingseoir, i gceantar Ard Fhearta sa séú haois. Bhunaigh sé mainistir ansin go gairid sular thug sé faoin aistear cáiliúil go hOileán an Pharthais. Ba é cultas Bhreandáin a spreag na trí shéipéal mheánaoiseacha atá ar an suíomh céanna sa lá atá inniu ann.

Is í an eaglais an foirgneamh is sine, cuireadh tús lena tógáil sa dara haois déag. Tá fuinneog iontach ón tríú haois déag ann agus sraith thaibhseach de naoi bhfuinneog chaola sa bhalla ó dheas.

Eiseamláir den scoth den ailtireacht Rómhánach dhéanach is ea ceann den dá shéipéal bheaga. Tá an ceann eile, Teampall na Gríbhe, ainmnithe as snoiteán iontach taobh istigh de – a léiríonn gríobh agus dragan cónasctha.

Is fiú go mór do dhaoine atá an-tógtha leis an ailtireacht cuairt a thabhairt ar Ardeaglais Ard Fhearta.