Caisleán Lios Tuathail

Seasann Caisleán Lios Tuathail go hard ag féachaint amach ar an bhFéil, os cionn áth straitéiseach. Cé nach bhfuil fágtha ach leath den fhoirgneamh, tá sé fós ar cheann de na heiseamláirí is fearr i gCiarraí d’ailtireacht Angla-Normannach.

Níl fágtha ann ach dhá cheann de na ceithre thúr chearnógacha, atá 15 mhéadar ar airde. Tá imbhalla ar an airde chéanna eatarthu agus tá siad ceangailte dá chéile – rud atá neamhghnách – le háirse ar thaobh amháin.

Ba é Lios Tuathail an t-urdhún deireanach in aghaidh fhórsaí Bhanríon Eilíse le linn céad Éirí Amach Dheasumhan in 1569. Sheas garastún an chaisleáin an fód ar feadh 28 lá de léigear sula bhfuair Sir Charles Wilmot an ceann is fearr air. Sna laethanta i ndiaidh thurnamh an chaisleáin, chuir Wilmot chun báis na saighdiúirí go léir a bhí fágtha taobh istigh.

Béal dorais leis an gcaisleán tá Seanchaí – Ionad Cultúrtha agus Litríochta Chiarraí – áit ar féidir leat dul ar an aistear trí stair shuimiúil an chaisleáin agus an réigiúin.