Caisleán Áth Dara

Is eiseamláir é Caisleán Áth Dara de chaisleán daingnithe meánaoiseach in Éirinn. Tá sé suite go straitéiseach ar bhruacha na Máighe, áit a raibh a thiarnaí in ann smacht a choinneáil ar aon trácht a bhí ag dul isteach nó ag teacht amach as Inbhear na Sionainne.

Tógadh an caisleán chun go mbeadh sé daingean agus sábháilte. Daingean láidir cearnógach atá i gcroí cosanta an chaisleáin; tá an daingean tógtha taobh istigh de bharda a bhfuil balla thart air agus móta taobh amuigh de.

Athraíodh úinéireacht Chaisleán Áth Dara roinnt uaireanta sula raibh sé mar cheanncheathrú ag iarlaí Dheasumhan sa séú haois déag. Le linn Dara Éirí Amach Dheasumhan, áfach, ghlac na Sasanaigh seilbh air tar éis léigear fuilteach. Rinne fórsaí Chromail scrios ar an bhfoirgneamh in 1657, ach fós féin tá áilleacht ag baint leis.

Tá turais treoraithe ar fáil do dhuine ar bith a dteastaíonn uathu lorg Mhic Gearailt a leanúint agus a spiorad misniúil a bhrath.