Caisleán Eas Géitine

I gcroílár an bhaile seo i gContae Luimnigh, tá fothracha suaithinseach de dhaingean meánaoiseach ina sheasamh. Téann Caisleán Eas Géitine siar go dtí 1199, nuair a thóg William de Burgo é ar charraig sa Daoil.

Bhí an caisleán lárnach i stair na Mumhan anuas trí na haoiseanna. Ba cheanncheathrú Iarlaí Dheasumhan a bhí ann i ndiaidh 1348. In 1579, sheas sé an fód i gcoinne an ginearál Sasanach, Sir Nicholas Malby, ceann de na heachtraí a spreag Dara Éirí Amach Dheasumhain.

Tá an halla cóisire ar cheann de na foirgnimh thuata is breátha in Éirinn ó thréimhse na meánaoiseanna. Tá cuid den túr scriosta, ach tháinig roinnt fuinneoga breátha agus tinteán gleoite de chuid na meánaoiseanna slán.

Baineadh úsáid as an bhfoirgneamh ó thús an ochtú céad déag atá in aice láimhe mar Chlub Hellfire. Deirtear gur tithe ragairne a bhí sna clubanna seo, ina mbíodh fir uaisle ag ól, ag glacadh páirt i mbréag-dheasghnátha agus in imeachtaí mínáireacha eile.