Mainistir Bhaile Fhobhair

I ngleann síochánta i mBaile Fhobhair, thart ar 30 nóiméad de thuras cairr ón Muileann gCearr i gContae na hIarmhí, féadfaidh tú cuairt a thabhairt ar an spota inar bhunaigh Naomh Feichín mainistir Chríostaí sa seachtú haois AD.

Ceaptar go raibh 300 manach ina gcónaí sa chomhluadar sular bhásaigh Feichín. Tá eaglais a tógadh thart ar an mbliain 900 AD i measc na bhfothrach atá ar an láthair. Chomh maith leis sin, tá ocht gcinn déag de chrosa Bhaile Fhobhair ann, agus iad scaipthe ar fud 10 gciliméadar de bhóithre agus de pháirceanna.

Tá stádas finscéalach bainte amach ag seacht gcinn de na gnéithe ar leith a bhaineann leis an suíomh – ar a dtugtar ‘Seacht nIontas Bhaile Fhobhair. Ina measc sin tá: an mhainistir a tógadh ar phortach; an muileann gan tarae (deirtear gur sháigh an naomh a bhachall sa talamh agus gur tháinig sruth uisce as); agus an chloch lindéir a ardaíodh mar thoradh ar phaidreacha Naomh Feichín.

Cuireann Bealach Naomh Feichín, siúlóid lúbach timpeall an tsuímh, bunáit den scoth ar fáil ónar féidir cuairt a thabhairt ar na háiteanna finscéalacha seo.