Páirc an Fhionnuisce

Is í Páirc an Fhionnuisce an pháirc phoiblí is mó in aon phríomhchathair san Eoraip a bhfuil fál timpeall uirthi, agus achar de bhreis agus 700 heicteár inti. Cruthaíodh í mar pháirc ríoga um sheilg fianna sna 1660idí agus níor osclaíodh don phobal í go dtí 1747. Tá Zú Bhaile Átha Cliath ann anois, chomh maith le hÁras an Uachtaráin – teach cónaithe Uachtarán na hÉireann.

Is iomaí imeacht mór a reáchtáladh i bPáirc an Fhionnuisce – ó imeacht idirnáisiúnta rásaíocht ghluaisteán in 1929 go cuairt an Phápa Eoin Pól II in 1979, nuair a bhailigh breis agus milliún duine ann don cheiliúradh.

Tá radharcanna áille sa pháirc féin. Tá cónaí ar thréad mór fianna buí ann go fóill. Bain sult as an tírdhreach ó cheann de mhórán siúlóidí agus de na bealaí rothaíochta atá ann don phobal.