Teach Sheáin Mhic Dhiarmada

Tá áitreabh Sheáin Mhic Dhiarmada, duine de cheannairí 1916, i gCoillte Clochair, Contae Liatroma, agus tá sé ar cheann de na háiteanna is tábhachtaí i stair an chontae.

Is é an teach seo an t-aon teach baile atá ann go fóill agus a bhaineann le duine ar bith den seachtar a shínigh Forógra Phoblacht na hÉireann. Tugann sé léargas nach bhfuil ar fáil áit ar bith eile ar bhunús dhuine de na príomhphearsana i gceann de na heachtraí ba mhó le rá i stair na hÉireann. Is teach barántúil traidisiúnta de chuid na hÉireann é freisin a thugann spléachadh dúinn ar an gcaoi a raibh an saol ag na gnáthdhaoine céad bliain ó shin.

Tá cothabháil déanta ar an teachín ar feadh na mblianta chun é a choinneáil mar a bhí sé. Tugann turais rialta deis do chuairteoirí an t-atmaisféar dílis san áit iontach stairiúil seo a bhrath.