Caisleán Parke

Tá Caisleán Parke suite i suíomh suntasach ar bhruacha thuaidh Loch Gile i gContae Liatroma.

Is caisleán athchóirithe é a tógadh go luath sa seachtú haois déag, agus ba ann a bhí cónaí ar an bplandálaí Sasanach, Robert Parke. Tá fianaise ann go raibh struchtúr ní ba luaithe ar an suíomh, túrtheach a bhíodh faoi úinéireacht Sir Brian O’Rourke, Tiarna Iarthar Bhréifne tráth. Rinne gobharnóir Sasanach amháin cur síos ar O’Rourke mar ‘an fear is bródúla atá ina bheatha ar domhan faoi láthair’. Chuir sé i gcoinne riail na corónach agus theith sé as Éirinn, ach ghabh fórsaí na Banríona Eilíse é. Caitheadh isteach i dTúr Londan é, cuireadh ar a thriail é agus sa deireadh crochadh ag Tyburn é.

Tharla tubaiste in 1677, nuair a bádh beirt de pháistí Parke sa loch. Tháinig drochbhail ar an gcaisleán ina dhiaidh sin. Ní dhearnadh é a athchóiriú go dtí déanach san fhichiú haois, ag baint úsáid as dair agus as ceardaíocht thraidisiúnta na hÉireann.

Nuair a fhéachtar air ag luí na gréine, bíonn scáthchruth fíorálainn an chaisleáin le feiceáil san uisce.