An Seandaingean

Luíonn an Seandaingean ó dheas de Chionn tSáile ar leithinis Chaisleán na Páirce. Tháinig an dún urdhúnta seo ón 17ú haois in ionad túir a bhí ann roimhe sin agus neartaigh na Spáinnigh go mór é in 1601. I mí Feabhra 1602 cuireadh tús leis an obair ar dhún peinteagánach Paul Ives a tugadh i gcrích in 1604, agus a ainmníodh in ómós Shéamas I Shasana. Deisíodh an Seandaingean in 1611, ghabh lucht tacaíochta Chromail é in 1649, agus deisíodh arís é in 1677. Le linn chath an Dá Rí i gCionn tSáile, in 1690, thóg lucht tacaíocht Rí Liam an Seandaingean tar éis pléascán a tharla laistigh dá stórtha púdair gunna.

Chuathas isteach sa dúnán ag barr leithinis Chaisleán na Páirce trí bhealach cumhdaithe ón Seandaingean. Meastar gur tógadh é in 1604 ar £50 ag an am. Is dún beag heicseagánach ar leibhéal an chladaigh é le hacmhainn lámhaigh le haghaidh ocht gcinn de ghunnaí ar a laghad, armlann, agus cóiríocht do shaighdiúirí. Bhí sé in úsáid ina dhiaidh sin ag iascairí áitiúla chun a dtrealamh a stóráil.

Tógadh an Seandaingean agus an dúnán chun cosaint a thabhairt do chuan inmheánach Chionn tSáile ar ionsaí, go príomha ó Abhainn na Bandan. Ní raibh an chuisle sách domhain ar thaobh leithinis Chaisleán na Páirce le haghaidh ghunnaí an tSeandaingin, agus an raoin scaoilte, agus níorbh fhiú í a úsáid ó ionsaí chun farraige.

Gabh chuig Amharcóir Timpeallachta Stairiúla le tuilleadh eolais a fháil faoin Seandaingean

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014