Caisleán Lios Cearúill

Tá Caisleán Lios Cearúill i gcroílár shráidbhaile Lios Cearúill, i dtuaisceart chontae Chorcaí. Bhí an caisleán seo, in éineacht le Caisleán Chill Bhláin, mar a bheadh líne chosanta ann in aghaidh ionsaithe ó theaghlaigh Ghaelacha a bhí i mbun gluaiseachta. Tá barda cearnóige taobh istigh sa chaisleán mór Angla-Normannach, agus é dúnta isteach ag imbhalla le túir chiorclacha ar an dá thaobh, le dhá thúr D-chrutha ar gach aon taobh den túr-gheata sa lár. Tógadh an caisleán cloiche le haolchloch.

Is iad muintir Barry a thóg Caisleán Lios Cearúill (daoine muinteartha le muintir Barry i gCaisleán Chúirt an Bharraigh agus muintir Barry i bPrióireacht an Bhaile Bhig) sa 13ú haois agus cuireadh tuilleadh leis ón 16ú haois. Maraíodh os cionn 600 duine i gCath Lios Cearúill in 1642, scriosadh teaghlaigh, agus crochadh príosúnaigh, agus b’éigean olluaigheanna a dhéanamh do na marbháin. Bhí David Barry, 1ú hIarla Bharrach Mór, agus leas-deartháir leis, Lewis Boyle, mac 1ú hIarla Chorcaí, ina measc siúd a d’éag.

Tríd an túr-gheata a bhí an bealach isteach sa chaisleán, toisc gurbh é sin an chuid ba laige den chaisleán, le hoscailt leathan, ba aige a bhí an chosaint ba mhó. Bhí geata crochta sa túr-gheata, agus tá píosaí de fós le feiceáil, poill uafáis, poll lámhaigh seans agus fuinneoga caola scoilte. Is le haghaidh cúrsaí cosanta a úsáideadh formhór na gcineálacha seo túr, agus tá móta thart timpeall ar Lios Cearúill chun tuilleadh cosanta a thabhairt dó.

Gabh chuig Amharcóir Timpeallachta Stairiúla le tuilleadh eolais a fháil faoi Chaisleán Lios Cearúill

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014