Cloigtheach agus Séipéal Thigh Tua

Is é ab Chluain Mhic Nóis, Naomh Tua, ar a tugadh Ultan the Silent a thóg lonnaíocht mhainistreach Thigh Tua sa 8ú haois. Ba ghné sábháilteachta a raibh gá léi an cloigtheach le haghaidh gach lonnaíochta mhainistreach a raibh rath airgeadais orthu, toisc gur ann a stóráladh rachmas na lonnaíochta nuair a rinne na hÉireannaigh agus na Lochlannaigh ionsaithe. Le haolchloch a tógadh an cloigtheach; tá cúig stór ann agus é beagnach 20 m ar airde. Tá an doras isteach 3.5 m ó leibhéal na talún, agus na hurláir taobh istigh déanta as adhmad, agus solas aige ó fhuinneog amháin ar gach leibhéal. I lár an 19ú haois, úsáideadh urlár na talún chun gual a stóráil ach cuireadh deireadh leis sin in 1886 nuair a rinneadh séadchomhartha náisiúnta den chloigtheach. Tá an liag mhullaigh chónúil ar iarraidh ón gcloigtheach sin ach tá bail mhaith air seachas sin.

Tógadh an Séipéal, sa lonnaíocht mhainistreach chéanna leis an gcloigtheach, in 1831 tar éis tabhartas £830 a fháil ón Board of First Fruits, mar chuid de chlár atógála an tséipéil, ach tréigeadh é in 1871, mar gheall nach raibh dóthain daoine sa pharóiste. Struchtúr dronuilleogach atá sa séipéal lena aghaidh ó thuaidh lámh soir ó thuaidh go ó dheas lámh siar ó dheas. Tógadh é ar láthair séipéil a bhí ann roimhe sin, ach níl aon chuid de sin le feiceáil anois. Tá ceithre thúr ochtagánacha ar gach coirnéal den séipéal. Timpeall ar an séipéal agus an cloigtheach tá reilig, agus is adhlacthaí ón 17ú agus 18ú haois den chuid is mó atá ansin.

Gabh chuig Amharcóir Timpeallachta Stairiúla le tuilleadh eolais a fháil faoi Chloigtheach agus Séipéal Thigh Tua

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014