Teach agus Fearann Páirce Bhaile an Chaisleáin

Tá Baile an Chaisleáin suite i measc fearann páirce álainn ón ochtú haois déag ar bhruach na Life i gCill Droichid, Contae Chill Dara.

Tógadh an teach thart ar an mbliain 1722 do William Conolly, Spéicéir Theach na dTeachtaí in Éirinn, agus rinne roinnt ailtirí mór le rá é a dhearadh. Bhí sé i gceist gur léiriú a bheadh ann ar an gcumhacht a bhí ag Conolly agus go mbeadh sé mar ionad chun siamsaíocht ar mhórscála a chur ar fáil do pholaiteoirí. Nuair a tógadh Baile an Chaisleáin, bhí tráchtairí ag súil ‘go mbeadh sé mar eiseamláir den Ríocht, agus de na rudaí annamha go léir a bhí ar a hacmhainn’.

Bhí rath ar an eastát faoi Thomás, garnia William Conolly, agus faoina bhean chéile, an Bhantiarna Louisa, a chaith mórán dá saol ag cur feabhais ar a teach cónaithe.

Sa lá atá inniu ann, tá bailiúchán suntasach pictiúr, troscáin agus ’objets dart i mBaile an Chaisleáin. Ar na nithe is suntasaí atá ann, tá coinnleoirí craobhacha de ghloine Murano ón ochtú haois déag agus an t-aon seomra priontála de chuid an ochtú haois déag sa tír atá go hiomlán slán go fóill.

Tá sé ar an teach mór tuaithe sa stíl Phallaidiach is áille in Éirinn.