Coimpléasc Mianadóireachta Chnoc Osta

Tá coimpléasc mianadóireachta Chnoc Osta ar an bhfána thoir de Chnoc Osta ar Leithinis an Fhéaraigh. Tá 31 mianach deimhnithe ón luath-Chré-Umhaois sa choimpléasc, atá i measc na samplaí is luaithe de mhianadóireacht chopair i dtuaisceart na hEorpa. Cuirtear na dátaí idir 1700 agus 1500RCh de réir na ndátaí radacarbóin, gan aon fhianaise de mhianadóireacht níos déanaí.

Is féidir dhá phríomhlimistéar a aithint i gcampa mianadóireachta den chineál atá ag Cnoc Osta: an mianach ag obair, an áit ar baineadh an mhian as, agus an t-ionad dumpála, an áit ina ndearnadh an chuid is mó den bhrú agus den tsórtáil lámh. Gné chomónta de na mianaigh sin ab ea an teas, teicníc mhianadóireachta lena mbaineann seandacht mhór. Scaoileadh bunstruchtúr aghaidh an mhianaigh leis an gcóireáil teasa, agus ina dhiaidh sin rinneadh an bualadh trom ag úsáid casúir dhoirneoige nó ‘smístí’.

Le linn tochailtí sna 19080idí thángthas ar roinnt sluaistí agus piocóidí fearnóige le cos ghearr, a úsáideadh chun an mhian chopair a bhaint.

Gabh chuig Amharcóir Timpeallachta Stairiúla le tuilleadh eolais a fháil faoi Choimpléasc Mianadóireachta Chnoc Osta

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014