Dún an Mhúcháin

Dún, níos lú ná 3 km ó Chora Chaitlín, le radhairc ar an bhForghas agus ar inbhear na Sionainne. Is ó dheireadh na Cré-Umhaoise an dún seo, agus dátú radacarbóin a rinneadh ar na ballaí cosanta ag léiriú go raibh sé ann sa dá scór bliain deiridh den 10ú haois. Mar chuid den Chlár Fionnachtana, i gcomhar le Tionscadal Thuaisceart na Mumhan, tugadh faoi shuirbhé agus tochailt ar an láthair seo idir 1992 agus 1994. Feictear difríochtaí san atógáil a rinneadh le himeacht ama, go háirithe i dtógáil an chaisil/dúin.

Meastar gur limistéar beannaitheachta a bhí sa chuid istigh den dún seo, ar chúl na mballaí cosanta, áit a mbíodh searmanais agus ina gcruinníodh daoine le chéile d’ócáidí speisialta. Tá struchtúir eile sa láithreán seo freisin, ina measc carn, caisil/dúin, imfháluithe agus tithe cruinne nach bhfuil dúnta isteach. Tugtar le fios leo sin go raibh údarás agus cumhacht ag Múchán, rud a atreisítear tuilleadh leis an taisce óir ón láithreán seo atá anois in Ard-Mhúsaem na hÉireann agus i Músaem na Breataine. Áirítear leis an taisce fonsaí simplí óir, bráisléid, tinní agus toirc.

Gabh chuig Amharcóir Timpeallachta Stairiúla le tuilleadh eolais a fháil faoi Dhún an Mhúcháin

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014