Láthair Mhainistreach Inis Muirígh

Bunaithe sa 6ú haois ag Naomh Molaise, nó Laisrén (ainm a chiallaíonn solas níos lú), is sampla dea-chaomhnaithe (bíodh is gur athchóiríodh go páirteach é) é Inis Muirígh ar imfhálú eaglasta, le cuid de na cealla cloiche is fearr atá ann ar fad, cosúil leis na cinn a fhaightear ar Sceilg Mhichíl.

Tá an láthair mhainistreach scaipthe ar fud an oileáin ar fad, agus an limistéar lárnach iata laistigh de bhallaí cloiche singile atá 3 mhéadar ar airde. Tá an t-imfhálú seo, atá leagtha amach mar chaiseal, comhdhéanta de thrí shéipéal (Eaglais Naomh Molaise, Teampall na bhFear, Teampall na Tine), clocháin, leachtanna (struchtúir bheaga chloiche), clocha mallaithe, agus reilig.

Lasmuigh den imfhálú tá tobar naofa, Eaglais na mBan, reilig, chomh maith le neart leachtanna a fheidhmíonn mar stadanna d’oilithrigh, go háirithe ar Fhéile na Deastógála.

Tá dealbh de Naomh Molaise a bhíodh ar an oileán tráth ar taispeáint anois in Ard-Mhúsaem na hÉireann.

Sa lá atá inniu ann, feidhmíonn an t-oileán mar thearmann fiadhúlra do raon speiceas éan.

Gabh chuig Amharcóir Timpeallachta Stairiúla le tuilleadh eolais a fháil faoi Láthair Mhainistreach Inis Muirígh

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Is talamh príobháideach den chuid is mó é Inis Muirígh, tá na Séadchomharthaí Náisiúnta ar an oileán faoi úinéireacht an stáit agus faoi chúram Oifig na nOibreacha Poiblí.