Mainistir Chistéirseach Mainistir an Aonaigh

Tá Mainistir an Aonaigh suite i gContae Luimnigh. Tá an dúrud oidhreachta ag baint léi síos trí na blianta. Bhunaigh Toirdhealbhach mac Diarmada Ua Briain an mhainistir mheánaoiseach seo sa bhliain 1148. Léiriú ar chumas ailtireachta agus ar chráifeacht na gCistéirseach is ea í. Cuireann an t-ainm (Mainistir an Aonaigh) a tábhacht stairiúil agus a nasc le muintir Uí Bhriain in iúl. Ghlac siadsan an mhainistir faoina gcoimirce i ndiaidh a bunaithe.

Tá teacht aniar agus coimhlint le sonrú i mballóga maorga na mainistreach. Seans maith go ndearna Domnall Mór Ua Briain maoirseacht ar chur i gcrích na bhfoirgneamh go mall sa 12ú céad. Ar na foirgnimh sin bhí seomra téite agus ceathrúna do bhráithre tuata. Ar an drochuair, tharla tubaiste in 1580 nuair a thóg saighdiúirí Sasanacha an mhainistir le linn an Dara hÉirí Amach i nDeasumhain. Ba bheag nár scriosadh an clabhstra agus an proinnteach agus bhí drochdheireadh le pobal na mainistreach.

Is meabhrú tochtmhar ar ghréasán spioradálta stairiúil na hÉireann í Mainistir an Aonaigh sa lá atá inniu ann. Thit an sanctóir boghtaí bairille chun talún in 1874. Mar sin féin, dúisíonn iarsmaí an tséipéil, an teach caibidle luath-Ghotach agus na fuinneoga caola uamhan agus urraim i rith an ama. De réir mar a théann an ghrian faoi thar a clocha síonchaite, is léiriú ar na céadta blianta den chráifeacht, den imreas agus den mharthanas í an mhainistir go fóill.

Gabh chuig Amharcóir Timpeallachta Stairiúla le tuilleadh eolais a fháil faoi Mhainistir an Aonaigh

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014