Séipéal Coláisteach Naomh Peadar agus Naomh Pól

Bunaíodh an Séipéal Coláisteach i Luimneach sa 13ú céad. Is léiriú é ar stair fhairsing na hÉireann. Tá sé tiomnaithe do Naomh Peadar agus do Naomh Pól. Tá trí phasáiste ann, mar aon le saingeal agus croslann thuaidh. Tá doras iontach ón 13ú céad sa bhalla theas. Cuireann an fhuinneog fhíorálainn thiar ina bhfuil cúig léas go mór le hoidhreacht an tséipéil. Tá sí ar cheann de na fuinneoga is breátha sa tír. Tá an tsnoíodóireacht chloiche mhaisiúil ón 13ú céad agus ón 14ú céad go hiontach fosta.

Is suimiúil go dtéann an rian is luaithe den séipéal siar go dtí lár an 13ú céad. Tógadh é ar shuíomh séipéil agus mainistreach ón 7ú céad. Bhí an séipéal ní ba luaithe sin tiomnaithe do Naomh Mocheallóg, arbh ab agus easpag é. Tugtar Séipéal Coláisteach air cionn is go raibh sé á stiúradh ag coláiste cléireach, seachas manaigh.

Ba dhóbair gur scrios Fórsaí Chromail an Séipéal Coláisteach sa 17ú céad agus ba dhóbair do thine an rud céanna a dhéanamh in 1935. In ainneoin an mhéid sin uile, tá sé fós ina sheasamh. Is siombail den tseasmhacht é agus tá an stair go smior ann. Tá sa reilig atá thart ar na fothracha leaca cuimhneacháin ó thús an 17ú céad go dtí an lá atá inniu ann. Is díol iontais do chuairteoirí iad na fothracha i rith an ama agus tugann siad léargas dúinn ar stair na hÉireann.

Gabh chuig Amharcóir Timpeallachta Stairiúla le tuilleadh eolais a fháil faoi Shéipéal Coláisteach Chill Mocheallóg

Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint

Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014