Tuama Dingeach na hAltóra

Tá an seomra simplí seo a tógadh le leac suite ag Cuan an Tuair Mhóir ar Leithinis Uí Néid, 7 km siar ón Scoil. Tá a aghaidh TTN-TTT. Tá an treoshuíomh an-tábhachtach toisc go bhfaigheann an tuama solas na gréine ag dul faoi ar an 1 Samhain gach bliain, tráth a ndéantar ceiliúradh ar dheireadh an fhómhair agus ar thús an gheimhridh. Tá Samhain ar cheann de cheithre fhéile shéasúracha na nGael; is iad Imbolc, Bealtaine, agus Lughnasa na cinn eile.

Rinne an Dr William F. O’Brien tochailt ar an tuama dingeach seo in 1989, agus i measc an méid ar tháinig sé air bhí taiscí bairneach agus blaoscanna faochan, cnámha éisc, agus blúirín beag de chnámh dhaonna a bhí créamtha. Taobh amuigh den tuama, bhí breochloch, scríobairí dhá cheann, agus scríobán cuasach briste i measc na nithe ar thángthas orthu. Meastar go ngabhann an tuama siar go dtí 2500-2000RCh. Meastar go dtagann na poill éadoimhne ar an taobh istigh ó bhia a bhítí a ofráil do spioraid na sinsear.

D’fhéadfadh an téarma ‘altóir’ a bheith ag tagairt do na tuamaí dingeacha a úsáideadh níos déanaí mar charraig Aifrinn. Tá dhá shraith ortastat sa tuama dingeach – tá trí leac an ceann orthu agus cloch dhín amháin, leis an gceann eile luite ar an taobh thiar den tuama.

Is cuid de cheithre shéadchomhartha mheigiliteacha in Éirinn iad na tuamaí dingeacha, i dteannta tuamaí cúirte, dolmainí ursanacha agus tuamaí pasáiste. Tá cáil ar leith ar an tuama dingeach in Éirinn agus meastar go bhfuil sé ar an gceann is óige dár séadchomharthaí ón gClochaois.

Gabh chuig Amharcóir Timpeallachta Stairiúla le tuilleadh eolais a fháil faoi Thuama Dingeach na hAltóra

Cosaint dár Stair – Cliceáil anseo chun léamh faoin tábhacht atá leis na láithreáin oidhreachta speisialta inár dtír a chosaint

Tá cosaint ag an séadchomhartha náisiúnta seo de réir Achtanna na Séadchomharthaí Náisiúnta 1930 go 2014”