Láthair Mhainistreach agus Ionad Cuairteoirí Ghleann Dá Loch

I ngleann oighrithe fíorálainn i gContae Chill Mhantáin, sa séú haois, bhunaigh duine de na naoimh ba mhó urraim in Éirinn mainistir. Bhí bunú Naomh Caoimhín ag Gleann Dá Loch ar cheann de na láithreacha reiligiúnacha ba cháiliúla san Eoraip.

I measc fhothrach na ‘Cathrach Mainistreach’ seo, atá scaipthe ar fud an ghleanna, tá cloigtheach iontach, an iliomad séipéal cloiche ó na meánaoiseanna agus roinnt cros maisithe. Áit shuntasach is ea Leaba Naomh Caoimhín, pluais bheag de dhéantús an duine atá suite in aghaidh na haille os cionn an Locha Uachtair. Deirtear go mbíodh cónaí ar Naomh Caoimhín ansin agus go mbíodh sé ag guí ann, ach seans maith gur láthair adhlactha réamhstairiúil é a bhí ann i bhfad roimhe.

Faigh an t-eolas ar fad faoin áit bheannaithe seo san ionad breá léirithe sula dtéann tú timpeall an tsuímh tú féin. Má dhéanann tú sin, mar chúiteamh, feicfidh tú na radhairc iontacha den dá loch agus braithfidh tú an t-atmaisféar uathúil spioradálta.