Reilig Mheigiliteach na Ceathrú Móire

An Cheathrú Mhór – an reilig is mó de thuamaí meigiliteacha in Éirinn. Tá sí suite siar ó dheas ó bhaile Shligigh, i gcroílár Leithinis Chúil Írra, ceantar atá an-tábhachtach ó thaobh réamhstaire de.

Tá 30 tuama cloiche go dlúth le chéile ag an gCeathrú Mhór, agus is féidir mórán díobh a fheiceáil go fóill. Is tuamaí pasáiste agus ciorcail bhollán iad formhór acu. Tá dúnfoirt agus galláin éagsúla sa cheantar freisin. Téann bunúis na séadchomharthaí seo i bhfad siar sa réamhstair – tá an ceann is ársa díobh nach mór 6,000 bliain d’aois.

I gceann de na teachíní athchóirithe, tá taispeántas nua den scoth a shásóidh fiosracht na gcuairteoirí is deacra a shásamh. Bígí ullamh le haghaidh siúlóide thar thír-raon garbh.