Fógra
Séadchomhartha Náisiúnta is ea Caisleán Charraig an Phúca atá faoi úinéireacht an stáit agus faoi chúram Oifig na nOibreacha Poiblí
*Tabhair faoi deara: uaireanta bíonn beostoc sa pháirc atá mórthimpeall an tséadchomhartha seo*
WARNING: It should be noted that these sites are unguided and a level of care and caution should be maintained during all stages of your visit. The Office Of Public Works (OPW) will not be held responsible for any damages, injuries, or losses that occur
Caisleán Charraig an Phúca
Seasann an túrtheach cúig stór seo ar bharr lomáin chreagaigh ghéir os cionn an tSuláin. Táthar den tuairim go bhfuil taibhse mhioscaiseach ar an lomán. Rinne Domhnall Mór Mac Carthaigh as an Driseán (deartháir le Cormac a thóg Prióireacht Chill Chré) é a thógáil sa bhliain 1436 ar bhealach straitéiseach idir Maigh Chromtha agus Ciarraí. Bhí muintir Mhic Cárthaigh de shíor ag troid lena chéile. Ar deireadh thiar thall, sa bhliain 1602, ghabh gaol i bhfad amach acu — Domhnall Cam Ó Súilleabháin Bhéara, 1ú Cunta Bhaile Chaisleáin Bhéarra — an caisleán le lámh láidir. Chuaigh 16ú Tiarna Mhúscraí, Cormac Tadhg Mac Cárthaigh, ar a chaomhnú ann an bhliain roimhe sin i ndiaidh Chath Chionn tSáile sular mhaith Eilís I dó.
Féadtar an príomhsheomra ar urlár na talún a bhaint amach trí dhoras urlár na talún ar an taobh thuaidh den túr. Ag an gceann thuaidh den seomra sin, téann staighre múrach bíse suas go dtí an ceathrú hurlár. Tá urlár na talún á shoilsiú ag trí fhuinneog asláir lena ngabhann léas ceannchearnach amháin. Tá an chéad urlár soilsithe ag fuinneoga sa bhalla thuaidh agus sa bhalla theas; tá siad ar nós na bhfuinneog ar urlár na talún. Is ionann dearadh do na fuinneoga ar an dara hurlár, ach amháin go mbaineann lindéar leis an bhfuinneog thoir. Tá clóiséad ar an tríú hurlár atá á shoilsiú ag fuinneoga spréite agus lindéar. Tá an t-urlár uachtair soilsithe ag fuinneoga ar an mballa thuaidh, ar an mballa thoir agus ar an mballa theas. Tugann staighre múrach rochtain ar an siúlán barrbhalla, ach níl aon fhorbhallaí ann a thuilleadh. Tá íochtar bartasáin fós ann sa chúinne thoir thuaidh agus sa chúinne thiar theas, áfach. Ós rud é nach bhfuil tinteáin ar bith sa túr, féadtar a rá gur le haghaidh gnóthaí míleata a tógadh é seachas mar áit chónaithe.
Gabh chuig Amharcóir Timpeallachta Stairiúla le tuilleadh eolais a fháil faoi Chaisleán Charraig an Phúca
Cosaint dár Stair – Cliceáil anseo chun léamh faoin tábhacht atá leis na láithreán oidhreachta speisialta inár dtír a chosaint
Tá an séadchomhartha náisiúnta seo faoi chosaint de réir Achtanna na Séadchomharthaí Náisiúnta 1930 go 2014
Gailearaí
Amharc ón aer ar Chaisleán Charraig an Phúca. Creidiúint: an Chartlann Ghrianghrafadóireachta, Seirbhís na Séadchomharthaí Náisiúnta, Rialtas na hÉireann 
Caisleán Charraig an Phúca. Creidiúint: an Chartlann Ghrianghrafadóireachta, Seirbhís na Séadchomharthaí Náisiúnta, Rialtas na hÉireann 
An caisleán. Creidiúint: an Chartlann Ghrianghrafadóireachta, Seirbhís na Séadchomharthaí Náisiúnta, Rialtas na hÉireann
Suíomhanna cóngarach
Caisleán an Rois
Daingean cois locha atá ar maos le seanchas
Timpeall 37.5 km ón Caisleán Charraig an Phúca
Oileán an Chuilinn
Gairdín oileánda ina bhfuil áilleacht uathúil
Timpeall 40.2 km ón Caisleán Charraig an Phúca
Caisleán Iarla Dheasumhan, Cionn tSáile
Foirgneamh ag croílár stair Chionn tSáile
Timpeall 41.2 km ón Caisleán Charraig an Phúca
Daingean Míleata Rinn Chorráin
Daingean míleata réaltchruthach a sheas an fód ar feadh na gcéadta bliain
Timpeall 43.3 km ón Caisleán Charraig an Phúca
Cúirt agus Eastát Dhún ar Aill
Leagan fíorshaoil de Downton Abbey i dTuaisceart Chorcaí
Timpeall 45.8 km ón Caisleán Charraig an Phúca
Crannlann agus Gairdíní Fhóite
Téigh ag fámaireacht thart ar ósais oileánda de fhlóra neamhchoitianta andúchasacha
Timpeall 49.5 km ón Caisleán Charraig an Phúca
